楚撚記大排檔 (日富里百好大廈)

Open Now

Now Closed

一早知道楚撚記喺荃灣同土瓜環極具人氣縱使開到嚟西環一條小巷都可見座無虛席！呢晚終於嚟試吓～ 呢啲有得坐室內嘅大排檔實在太好啦😌 可以舒舒服服涼住冷氣嘆撚手小菜同鑊氣小炒！🍻佢啲份量都大～🍻 《 青島（大枝） 💲37 》 食大排檔總要配一支啤嘅～～～** 招牌菜 **🐷 《 脆皮炸大腸（鳳梨底） 💲108 》炸豬大腸脆得黎又香口，中間嘅脂肪好薄，再配埋清新嘅菠蘿令整體膩感低～～🐔 《 西楚霸王雞（半隻）💲158 》西楚霸王雞選用優質清水雞，雞味濃，肉又滑！再舖上惹味嘅香蔥、炸蒜同特別調製嘅秘方醬油更提味～但如有雞件可以切細件啲會好啲～🍚 《 楚撚豬油撈飯 💲25/碗 》係爸媽嘅童年回憶，我係第一次食！職員好客熱情，示範咗一次個撈飯程序比我睇～個飯用砵仔蒸煮熟，特別香口，而且有飯焦！加豬油、豉油、葱花、芫荽同飯撈勻，油脂濃郁，每口飯都滿嘴油香，但無膩感～～🥬 《 豆漿杞子鮮腐竹浸時蔬 $88 》揀咗用白菜仔～個湯好香，腐竹又滑～ 📌冇+1服務費📌閑日都好爆場要排隊等位，所以真係要最好訂枱！

本想慶祝同事升職，簡單食餐飯。本身食過覺得食物非常適合口味想再食。點知入店內禮貌地想拎飛等候帶位之際，被一名帶眼鏡、戴口罩、負責收銀既男職員直呼離開餐廳。本想再次禮貌地請求取飛等候，仍被直呼「你出番去！」亦無其他指示取飛。最後因為三請取飛不果，最後離開貴店未能嘗試貴店既食物。本想開心地慶祝，但最後失望落幕而回。貴店員工之服務態度非常差劣，讓我不敢再回貴店光顧。本人亦知自己非貴客，只想好好享受貴店之出品。但願貴店能嚴肅處理該員工之服務及態度，亦希望能再次光顧享受貴店之服務及美食。

每樣菜式嘅擺盤都好精緻，份量十足，好夠鑊氣黃金炸金磚豆腐外脆內軟，而菠蘿咕嚕肉都唔錯，酸酸甜甜，送飯一流。不過豉汁蒸排骨就有啲失望，排骨有啲韌，腸粉都唔夠滑不過勝在個汁調得好好食，期待下次再試其他菜式！

聽聞呢間楚撚記好出名，時時都大排長龍，今日約埋幾個fd就去試下係咪真係咁好食。朋友book左位，所以唔使等就入到去。入面嘅裝潢好懷舊，似幾十年前啲酒樓，別有一番風味。我地order左幾個餸：雞粥，啲米煲得好綿，又唔會太咸，唔錯，再配埋送嘅油炸鬼，唔錯。糯米飯，呢個好食吖，唔太油，又有臘味香，細細碗幾個人分，份量啱啱好!香煎鯪魚餅咕嚕肉上湯腐皮菜心，清清地，幾好椒鹽九肚魚，香口十足，唔錯椒鹽粟米，呢個就真係一般，有啲乾整體嚟講，都幾好食，而且有香港大排檔嘅特色，鑊氣都夠!

夜晚7點食前一晚book 位都淨係book到630都幾full 環境都幾舒服枱枱凳凳都大每個人都好有空間而且裝修好有特色環境都乾淨冷氣大到有啲凍😂見到每台都叫嘅椒鹽鮮魷都幾好食 唔錯唔錯炸粉薄薄哋椒鹽啱啱好唔會太鹹魷魚口感ok 唔會太難嚼不過份量就少左啲肉鬆四季豆幾鍾意食 好味送飯一流而且大大碟四季豆都嫩，唔老，無絲肉碎好滑 偏鹹但我接受到沙爹牛肉粉絲煲個人覺得粉絲太少而且同啲金菇芽菜全部撈埋一齊根本唔可以淨係食到粉絲(本人唔中意芽菜)而且粉絲係粗身嗰隻食落淋bed bed 牛肉就好味都係撈飯一流

其實全港嘅楚撚記分店我都食過😂因為真係好食囉😂環境就係走經典舊式大排檔風格，綠白相間嘅設計充滿懷舊感。🌟菠蘿拔絲咕嚕肉（梅頭）$119佢個噱頭就係有一嚿非常巧廚藝嘅拔絲，店員亦都有教我哋食出去趁熱嘅時候咕嚕肉配搭少少拔絲，但係實行起上嚟發現拔絲太難拔了！😅所以去到第三嚿我哋就放棄咗😂咕嚕肉外脆內軟，有肉汁得來肉質好腍，醬汁酸酸甜甜好開胃🥰不過價錢對比之下覺得食返京都骨會好啲🤣⭐️鑊氣豉椒炒蜆 $105份量都多，味道對板，蜆肉冇沙，不過唔夠熱😩雖然餐牌寫住係辣但食落唔覺🙌🏻下次唔洗叫🙌🏻🌟飛天通菜煲 $92好大份，好夠熱，好惹味🥰入口有鹹香嘅海鮮味，通菜保持爽脆！好食！推介🎉-⭐️是令糖水今次嘅糖水係紅豆沙，之前有食過荃灣分店係番薯糖水，所以日日唔同？🤔味道正常，唔多紅豆，唔會太甜🙌🏻為晚餐做一個完美句號😋-整體來講，感覺肉類相對細碟啲，價錢正常😗溫馨提示，餐廳係有糖水送㗎，想食嘅記得問店員攞，忙起上嚟未必會主動俾客，其次就係記得要book位啊🎉

深夜想吃点热乎的菜，刷到这家看起来蛮不错店面挺有氛围*小炒王韭菜苔+腰果+海味的搭配挺妙韭菜苔稍微有点老有些可惜*啫啫田鸡煲一般，不香，里面的猪肝有点异味且老*猪油饭蛮香的，好吃*激辣避风塘水鱿调味不错，垫底的粉丝和豆芽很好吃感觉可能点的不太对，整体感觉还凑合，不那么惊艳

💛楚撚記大排檔 (日富里百好大廈) (西環)西環石塘咀皇后大道西554-560號日富里百好大廈地下1號舖今日收工同朋友嚟咗西環海旁行下，睇日落，到左夜晚諗住食埋飯先走，記得之前上網見到有一間好出名嘅大排檔，咁啱喺附近就決定嚟試吓。一嚟到門口嘅時候已經見到好多人排隊，好彩我哋等咗一陣都可以入。呢度嘅裝修都係懷舊風格。大排檔嘅style。咁我哋分別叫咗幾個好有鑊氣嘅小炒同埋豬油撈飯。首先係菜脯銀魚煎蛋，佢嘅味道勁香食落一啲都唔鹹齋食，唔使撈飯都可以食晒成個蛋。香爆黑椒牛仔骨煲更加唔使講。除咗十分之有鑊氣之外，牛仔骨都好嫩滑。最後仲要多咗一個脆皮豬大腸。自己對於內臟特別係大腸覺得麻麻哋。不過朋友都食到津津有味。大腸炸得好脆，入面沒有臊味。最正就梗係係豬油撈飯啦。估唔到喺呢度可以食得到，不過真係好邪惡。兩個人埋單，三百幾蚊，唔算好貴，貴性價比都ok，而且啲小炒都好有鑊氣，質素唔錯。#楚撚記大排檔＃楚撚記土瓜灣美食 #荃灣美食西環美食#大排檔香港大排檔 #香港美食 #港式餐廳

懷舊風味大排檔，當然要飲返杯冰凍啤酒，呢度仲係用上戰鬥碗，寧舍有霸氣‼️脆皮燒BB鴿賣相 💯，藤籃裝住BB鴿，乳鴿燒得juicy 香脆唔會乾，好好食菠蘿拔絲咕嚕肉用上梅頭肉，肉質份外彈性而且肥瘦適中😋配上菠蘿同拔絲，酸酸甜甜夠哂開胃脆皮炸豬手果然係招牌菜式之一，外層炸得酥脆香口，肉質仍保持鮮嫩，送酒一流👍🏻豬油撈飯必點豬油撈飯，飯粒煮得夠乾身，做到粒粒分明，襯白飯嘅熱度鋪上香濃醇厚豬油，即時嗅到油脂甘香誘人嘅味道🤤豬油潤澤米飯，口感軟糯之餘亦沾滿豬油嘅滑潤，撈埋蔥蔥豉油淨係一碗米飯都足夠滿足 👅 最後店員奉上紅豆沙，好滿足呀👏🏼👏🏼同一大班人食飯好地方

<飛天通菜煲🥗>💲92通菜同蝦乾 辣椒 同蒜頭一起炒 真係好夠鑊氣 同埋非常夠味 送飯一流 通菜爽脆 鹹香得黎又帶少少微辣 好快就比我地清曬成煲通菜<蜜椒薯仔牛柳粒 🍖> 💲118每一次食大排檔都必食嘅薯仔牛柳粒 呢間嘅牛柳粒嫩滑多汁 蜜椒醬汁甜辣適中, 配埋薯仔煮得好淋 味道岩岩好 不過唯一缺點就係牛柳粒份量太少 不過都值得一試<脆皮炸豬手🐷> 💲166 豬手外脆內嫩, 炸得香脆唔油膩, 肉質鮮嫩多汁, 配埋啲脆皮, 真係一絕! 缺點就係價錢有啲貴, 不過呢個豬手嘅口感同味道真係無得頂呀🤤<豬油撈飯🍚> 💲25今餐mvp絕對係豬油撈飯 我之前完全無食過 因為驚好油 呢碗飯睇落簡簡單單 點知原來咁好食😍豬油味道濃郁 飯粒煮得恰到好處 仲要落埋甜醬油 不知不覺就會食曬成碗飯👍📍楚撚記大排檔 荃灣川龍街118號百悅坊地舖至1樓西環石塘咀皇后大道西554-560號日富里百好大廈地下1號舖土瓜灣馬坑涌道2C號寶光大廈地下C及D號舖

食小菜我真係唔會食厭依間楚撚記都仰我成日同朋友去我食既一間今次經過西環又試吓呢一間先先黎一個BB鴿 炸得外脆內軟乾煸四季豆 又係好惹味既一道鑊氣十足 送飯一流鑊氣豉椒炒蜆 小炒必吃一道粒粒蜆肉好大隻 風味十足楚撚豬油撈飯 香港真係買少見少我都忍唔住食番碗楚撚記大排檔 西環石塘咀皇后大道西554-560號日富里百好大廈地下1號舖 #楚撚記大排檔 #楚撚記 #土瓜灣美食 #荃灣美食 #西環美食 #大排檔 #香港大排檔 #香港美食 #港式餐廳

之前有食過「火鍋撚」，但就無食過「楚撚記大排檔」，不得不說香港大學站依間分店都真係幾高人氣，閒日晚市尚未開始，店外已經大排長龍，正式開市後簡直係全院滿座，所以大家若果想嚟光顧一定要預早訂位吖！另外，餐廳並無收取加一服務費，但居然都有提供茶水，仲有送糖水俾客人食，服務幾好。楚撚記原隻脆皮炸豬手（單點$166），豬手已經去骨切件，豬皮色澤金黃，食落脆卜卜，充滿骨膠原，豬手肉肉質嫩滑、帶有筋位，味道鹹香，食落啖啖肉，配以黃芥末、泰式甜辣醬食用，味道更佳。菠蘿拔絲咕嚕肉（單點$119），採用梅頭肉製作，肉質爽口、肥肉部份較少，炸漿厚薄適中，表面裹滿糖醋醬，口感濃稠，味道酸甜，帶有拉絲效果，配以拔絲食用，帶有硬脆口感，配料包括有海鹽焦糖蜂巢脆餅、菠蘿、彩椒、黃桃。飛天通菜煲（單點$92），使用砂煲呈上，採用蝦醬、蝦乾、指天椒、蒜頭製作，蝦乾味道鹹鮮，通菜口感爽脆，食落好惹味。楚撚豬油撈飯（兩碗$50），豬油、豉油、香蔥、芫荽全部另上，自己可以控制落幾多配料嘅份量，而且配料可以無限任添，蒸白飯配以豬油、豉油、香蔥、芫荽食用，食落豬油油脂味濃，但整體食落不油膩。陳皮紅豆沙（跟餐$0），口感起沙，略嫌

老媽子最鍾意食小菜，尤其係鑊氣小菜，今日放咗工就同佢去食小菜🤤楚撚記係一間新派大排檔，由𝟐𝟎𝟏𝟗年開業至今，一直深受年輕人歡迎，店內裝潢充滿港式風味，保留左大排檔特色，仲加入復古木菜牌、舊式綠鐵閘、手寫招牌壁畫等元素，滿滿香港情懷💡🥢環境乾淨企理，嘆住冷氣品嚐新派地道特色小菜惹味，選擇多且性價比高😋😋⋄⋄====—====—====—====—✦ 豬肉類 ✦🐷楚撚記原隻脆皮炸豬手（$166）幾乎每枱都點的原隻脆皮炸豬手賣相非常吸引🤩外層炸得酥脆香口，內裏豬手肉質嫩滑，滿滿骨膠原，𝑪𝒐𝒍𝒍𝒂𝒈𝒆𝒏 𝒖𝒑!⋄✦ 海鮮類 ✦🐙🍄香煎黑松露手打蓮藕墨魚餅（$118）一碟8件黑松露蓮藕墨魚餅🍥，每件都大大舊，咬落新鮮彈牙，仲可以食到粒粒蓮藕，伴以黑松露醬，啖啖滋味😋😋 ⋄✦ 蔬菜類 ✦🍲飛天通菜煲（$92）通菜煲非常惹味，以砂煲呈上，上桌時熱氣騰騰，蝦醬味道香味撲鼻👃🏻青翠嫩綠的通菜以蒜頭🧄蝦醬及🦐蝦干煮成，惹味可口🤤⋄✦ 白飯 ✦🐖🍚楚撚豬油撈飯（$25/碗）細個呀媽都成日整比我食，豬油加豉油香噴噴，再加埋芫荽蔥簡直無得輸，我呢個澱粉質控絕對可以食幾碗😜😜⋄✦ 支裝罐裝啤酒 ✦🍺藍妹（$39）

楚撚記是一家香港的大排檔，以港式料理為主。室內冷氣充足中品嚐港式大排檔風味.感受香港的情懷。招牌撚手小菜和鑊氣小炒。有三間分店。生意火爆。最好能提前訂座。//楚撚記原隻脆皮炸豬手$166招牌菜之一。豬手去骨切件排列好。上層豬皮.金黃色香脆入味。下層豬手肉. 有筋有肉肉質軟嫩鹹香，有嚼勁，骨膠原豐富。配上黃芥末和泰式甜辣醬，送酒一流。//香煎黑松露手打蓮藕墨魚餅$118粒粒外皮微焦內嫩。口感豐富.黑松露的香氣+蓮藕爽脆口感+墨魚鮮味//楚撚記脆皮燒BB鴿 $68B B鴿大大隻、外脆內嫩，鴿肉厚肉香濃多汁，脆皮帶有微微的焦香。//楚撚豬油撈飯 $25招牌菜之一.以蒸白飯為基底.配上豬油、豉油、蔥和芫荽. 自已加入豬油及豉油份量。豬油香氣濃郁，不油膩，每一口都充滿著豬油的香味。讓人食指大動。

一直都好鐘意食大排檔，依間坐得舒服得黎又好好食！星期六晚黎到好旺場叫左黃金椒鹽粟米($76)，一咬已經食到鹹蛋黃嘅香味，同粟米嘅香甜多汁幾夾，鹹鹹甜甜咁幾開胃另外叫左香煎黑松露手打蓮藕墨魚餅($118)，香黑松露味得黎又唔會掩蓋咗蓮藕同墨魚本身嘅味道，咬落仲好彈牙仲叫左西楚霸王雞半隻($158)，葱油味同蒜味好香好濃郁，雞肉食落嫩滑多汁依到仲有得食豬油撈飯($25)，上枱時連豬油、豉油、葱花同芫荽，撈埋一齊之後飯香仲帶淡淡油香，真係不自覺食多咗飯！飲品就當然唔少得叫咗支藍妹($39)，啤啤佢一解油膩今餐真係好豐富！