小草十八怪石鍋米線 (Closed)

石鍋米線配沙嗲湯底大家試過未? 今日趁早收工，約埋同事一齊去咗位於旺角既小草十八怪石鍋米線，沙嗲湯底香濃惹味，米線又彈牙，估唔到特別得黎又幾好食～我地兩個人叫咗石鍋米線、川式涼麵，再試埋幾款串燒，真係超滿足～沙嗲牛牛石碢石鍋米線米線材料相當豐富！封門牛肉鮮嫩又重牛味～紅燒牛肚好有嚼勁，充滿口感，紅燒口味別有一番風味～仲有美國肥牛、牛丸、金菇、牛柏葉等等…特別一讚沙嗲湯底好香濃，配埋啲牛牛食材一齊食好正吖！！川式涼麵今次嗌咗萵筍同雞絲做配料。雞絲嫩滑，份量十足，真係超級抵食！好鍾意佢個酸辣醬汁夠曬惹味～萵筍爽脆鮮甜，撈埋啲配料一齊食酸酸辣辣咁，特別開胃。涼麵都好足料架～～配料有齊花生碎、脆豆、青瓜絲等，口感豐富。店內仲有得食串燒架！特別推介以下幾款～孜然羊肉串：孜然味十足，味道好正宗！食落唔會羶又唔會太油膩！原條茄子：茄子肉好軟嫩，加埋蒜蓉、辣椒粉、花生碎等，香辣得嚟又惹味。雞腎：好爽口，燒到微微乾身再加上辣椒粉，超香口！！柚子梳打柚子味香甜，加上梳打水，大大杯，飲落真係特別爽又解渴！