蕃滿門 (Closed)

今日老公遲咗收工，我哋等到差不多8點先食晚飯，附近開咗一間新嘅餐廳，老公想沙嗲牛肉潛艇堡，所以叫咗兩個飯一個潛艇堡。當日因為其實已經8點所以都不用排隊職員直接安排入座，而且沒有限制用餐時間。大兄弟沙嗲牛肉芝士潛艇堡（$46）加$20配套餐日式七味香炸花枝丸 $8台式特飲 四季春奶蓋潛艇堡來到的時候，賣相已經很吸引。大大個潛艇堡，上面鋪滿滿滿嘅沙嗲牛肉。包是經過烘烤，外邊有少少脆入邊仲係軟林林。原來沙嗲牛肉配上香濃芝士汁味道都十分搭配，呢個包老公表示好滿足。花枝丸彈牙，入邊亦都有食粒粒的墨魚肉，配上七味粉更加美味。四季春奶蓋茶味香濃，芝士奶蓋濃厚，有水準。鴛鴦焗飯 （$64）半價加配凍冬瓜先檸檬呢度嘅焗飯好特別，佢嘅飯係用薑飯底。第一次出街食到飯係薑飯底。鴛鴦焗飯一次過滿足兩種口味，一邊係蕃茄豬扒，一邊係咖喱牛腩。豬扒軟身唔會話好難咬。咖喱大有濃香椰汁味，牛腩亦都好林。日式吉列豬扒蛋包飯（$70）蛋包飯入邊係包住蕃茄飯，貫徹蕃滿門呢個名。好滑嘅蛋，包住粒粒分明嘅蕃茄飯。仲有香脆嘅吉列豬扒，口感層次分明。我哋今日食咗兩個飯一個潛艇堡加2杯嘢以及小食，一共都是$245。 餐廳坐得舒服價錢有適