牛牛

Open Now

Now Closed

難得嚟到西貢，就search下有乜好食，好多網站都介紹要食呢間沙嗲牛肉麵，又話咩沙嗲牛肉關注組推介，咁就嚟試吓啦。夜晚7點幾嚟到，都冇乜人，得一枱客。自己畫紙仔點餐，點完比佢落單，食完先比錢。我哋一個叫沙嗲牛肉炸麵，一個叫沙嗲面珠登湯麵。好快有得食，5分鐘都唔洗。沙嗲牛肉炸麵$58沙嗲面珠登湯麵$55沙嗲偏濃同稠，炸麵都係有啲似撈麵，只係麵係炸，湯麵睇落好多湯，但其實都係超稠，好似汁撈咁。係好濃沙嗲麵，不過超稠，啲麵都係一團團咁食。50幾蚊，得碗沙嗲牛肉麵，乜都冇，飲品都冇，出面茶餐廳，50幾蚊食到成個常餐，沙嗲牛肉麵加埋方包奄列飲品，呢度抵唔抵食就見仁見智，我又唔覺得佢個沙嗲牛肉麵有咁好食，講真好多茶餐廳都好好食。