鳳城小食

Open Now

Now Closed

灣仔街市入面有間極具香港味道嘅茶餐廳~食過一次就返唔到轉頭！每次我都嚟食佢地沙嗲牛肉通，其實好多配搭！有豬扒、回鍋肉、午餐肉等，麵底可以自選米、通粉、烏冬等，價錢極平民但質素勁高，每次行過都係滿座！佢地嘅沙嗲牛湯底極濃，配通粉係岩夾~每一啖通粉都吸曬啲湯汁，而我就鐘意再加胡椒粉，帶啲辣辣地咁！飲品就同其他茶餐廳差唔多，不過最推薦佢哋嘅熱咖啡，啡味濃而滑，唔會有苦澀味！不過始終係街邊轉角位，坐嘅舒服就麻麻，而且大家都好快食完就走，不過值得一食充滿香港味道嘅茶餐廳！