Video
Read full review
2022-06-03
479 views
餐廳：沙士亞印度餐廳 (銅鑼灣)地址：銅鑼灣邊寧頓街9-11號登龍閣1樓B4室銅鑼灣呢間傳統印度餐廳——沙士亞印度餐廳🇮🇳，都可以話係呢頭嘅老字號，喺度開咗十幾二十年，位於唔係好多人會專登搵上門嘅登龍閣，唔喺刻意搵都唔會知佢哋嘅存在餐廳嘅裝修有典型嘅印度色彩，仲播住啲印度歌曲，幾有feel🤪，有大約10張枱接近40個位，人少少嗰陣都幾舒服，不過如果坐滿晒人嘅話應該會幾熱鬧🤓叫咗個2人晚市套餐($248)，包1個前菜、1個頭盤、2款主菜同一人一款飲品，連埋加一平均都喺$150一個人，算幾抵食👍先嚟咗胡椒薄餅(Papadum)，有陣陣胡椒同辛辣香，我就鍾意蘸埋薄荷醬一齊食，真喺會食到停唔到口🤤，不過唔知喺咪放耐咗有少少淋淋哋；之後就有雜菜咖喱角(Vegetable Samosa)，即叫即烤熱辣辣🔥，食落口感酥脆，唔會有太油膩嘅感覺，入面仲有豐富嘅印式雜菜餡料，唔錯唔錯☺️主菜就有瑪沙拉燴雞(Chicken Masala)同印色香料羊肉(Lamb Madras)，另外配上蒜蓉烤餅(Naan)同印度黃飯(Pulao Rice)，無論將啲飯撈埋咖喱一齊食，定用烤餅蘸咖喱汁嚟食，都一樣咁好味😋。雞肉
地址：銅鑼灣邊寧頓街9-11號登龍閣1樓B4室
銅鑼灣呢間傳統印度餐廳——沙士亞印度餐廳🇮🇳，都可以話係呢頭嘅老字號，喺度開咗十幾二十年，位於唔係好多人會專登搵上門嘅登龍閣，唔喺刻意搵都唔會知佢哋嘅存在
餐廳嘅裝修有典型嘅印度色彩，仲播住啲印度歌曲，幾有feel🤪，有大約10張枱接近40個位，人少少嗰陣都幾舒服，不過如果坐滿晒人嘅話應該會幾熱鬧🤓
叫咗個2人晚市套餐($248)，包1個前菜、1個頭盤、2款主菜同一人一款飲品，連埋加一平均都喺$150一個人，算幾抵食👍
先嚟咗胡椒薄餅(Papadum)，有陣陣胡椒同辛辣香，我就鍾意蘸埋薄荷醬一齊食，真喺會食到停唔到口🤤，不過唔知喺咪放耐咗有少少淋淋哋；
之後就有雜菜咖喱角(Vegetable Samosa)，即叫即烤熱辣辣🔥，食落口感酥脆，唔會有太油膩嘅感覺，入面仲有豐富嘅印式雜菜餡料，唔錯唔錯☺️
主菜就有瑪沙拉燴雞(Chicken Masala)同印色香料羊肉(Lamb Madras)，
另外配上蒜蓉烤餅(Naan)同印度黃飯(Pulao Rice)，無論將啲飯撈埋咖喱一齊食，定用烤餅蘸咖喱汁嚟食，都一樣咁好味😋。
雞肉同羊肉都炆得好淋，香辣惹味🌶，每款有三四舊，
食完烤餅同飯就啱啱好撈晒嚟食😌
最後飲品叫咗個芒果特飲(Mango Lassi)同印度茶(Masala Tea)，真喺好懷念嗰陣去印度兒童醫院實習🏥，
做做吓嘢嗰陣啲護士得閒就會沖印度茶叫我同佢地一齊飲，好掛住佢哋啊🥺
Post
