Video
Read full review
2018-06-18
7143 views
端午節假期難得同屋企人食飯，想搵一間坐得舒服，食物又唔錯嘅餐廳我哋一齊諗起Mr Steak，皆因上年我哋去過銅鑼灣利舞台嘅Sky bar，嗰度嘅食物同埋質素都令我哋喜出望外，佢都係隸屬同一個集團，所以我哋就諗不如試吓Mr Steak!我哋揀咗相對近我哋嘅青衣城分店，去到大約一點鐘，都有差唔多九成滿座，好彩訂咗枱，所以唔需要等。一直都知道呢度有Mr Steak嘅分店，不過開咗咁耐都未食過，餐廳環境幾闊落，感覺乾淨同埋舒服。呢度午餐時段每人最低消費係一個lunch set，價錢介乎$118-$218，就可以任食沙律吧嘅多款沙律、甜品同埋餐湯，每人仲會有杯咖啡或茶澱粉質最高嘅食物賣最平，亦都不無道理，等食客唔會食咁多沙律吧嘅嘢。唔係好理解點解牛扒都要有咁多選擇？咁唔食牛嘅人點算？平時唔太好澱粉質食物嘅我，就揀咗豬柳。入咗之後落完單，就急不及待睇吓沙律甜品吧今日有乜嘢款式！沙律有七至八款，西式沙律菜、紅菜頭沙律、日式螺肉沙律、烤雞沙律、水蜜桃鴨胸沙律、日式豆腐沙律......另外仲有兩款凍火腿片，款式都幾多元化；是日餐湯係甘筍湯，而放喺湯隔離嘅唔係餐包，而係金黃色嘅Scone。超鍾意食呢啲沙律
我哋一齊諗起Mr Steak，皆因上年我哋去過銅鑼灣利舞台嘅Sky bar，嗰度嘅食物同埋質素都令我哋喜出望外，佢都係隸屬同一個集團，所以我哋就諗不如試吓Mr Steak!
我哋揀咗相對近我哋嘅青衣城分店，去到大約一點鐘，都有差唔多九成滿座，好彩訂咗枱，所以唔需要等。一直都知道呢度有Mr Steak嘅分店，不過開咗咁耐都未食過，餐廳環境幾闊落，感覺乾淨同埋舒服。
呢度午餐時段每人最低消費係一個lunch set，價錢介乎$118-$218，就可以任食沙律吧嘅多款沙律、甜品同埋餐湯，每人仲會有杯咖啡或茶
澱粉質最高嘅食物賣最平，亦都不無道理，等食客唔會食咁多沙律吧嘅嘢。唔係好理解點解牛扒都要有咁多選擇？咁唔食牛嘅人點算？平時唔太好澱粉質食物嘅我，就揀咗豬柳。入咗之後落完單，就急不及待睇吓沙律甜品吧今日有乜嘢款式！
沙律有七至八款，西式沙律菜、紅菜頭沙律、日式螺肉沙律、烤雞沙律、水蜜桃鴨胸沙律、日式豆腐沙律......
另外仲有兩款凍火腿片，款式都幾多元化；是日餐湯係甘筍湯，而放喺湯隔離嘅唔係餐包，而係金黃色嘅Scone。
超鍾意食呢啲沙律嘅我，每個款都夾左少少，夾夾埋埋都有一碟。
沙律嘅味道不過不失，當然如果要比較利舞台Sky Bar，呢度就稍為遜色左，咁當然價錢呢度都平少少。大部份沙律嘅生果都唔係新鮮，食得出係罐頭，只係裝飾得好靚同埋配搭得幾好。因為我唔太好甘筍，所以無飲到湯；其實第一眼好想食Scone，但感覺實在太飽，不過從佢個賣相睇都知佢應該外脆內軟。
前菜沙律質素可以接受，食完一碟其實都飽左三成，再去攞左第二碟......時間過咗大約25分鐘，主菜先上枱。
烤英國豬柳 百里香燒汁 $148
就咁睇豬柳都好大塊，係有啲期望㗎！點知一切開第一件就略有定奪豬柳乾過煎豬扒，肉質嚡，豬醃制得唔入味，就好似瘦叉燒冇咗蜜糖燒烤汁咁樣，嘅冇肉汁，又冇味道......
伴碟嘅薯蓉似係薯粉開出嚟，唔香滑，味道好假；所謂嘅百里香燒汁，其實我真係唔係好食到有百里香味，分分鐘係超級市場買個即食肉汁粉返嚟仲好食過佢屋企人叫咗香蒜海蝦雜菜意大利飯 $139
上枱就知道佢一定唔係意大利飯，點解？因為佢冇意大利飯濃稠嘅質感，俾我重新命名的話，我會命名佢做「海鮮蕃茄燴飯」。首先睇得出唔係用意大利米，似係用珍珠米。食落冇米骨，仲好似有啲腍，感覺似普通白飯嘅質感多d。質感水水地，茄汁落多咗，啲飯好似水浸咁唯一可以讚嘅係隻蝦，彈牙大隻。
佢個自助沙律吧仲有甜品，款式都有7-8款，芝士蛋糕、麵包布甸、啫喱糖、和果子......味道不過不失，但係冇乜特別印象深刻。
餐飲揀咗熱檸茶
好彩檸檬唔澀！今次嚟到同一個集團另外一間鋪頭嘅用餐經歷，確實有啲失望，可能呢啲就叫一分錢一分貨。
如果你但求飽肚，呢度絕對滿足到你；如果要講求質素，咁就唔好考慮喇！
Post
