秋櫻屋 (Closed)

成日都去太古城食lunch，所以今日就轉下地方，去康山食。平時呢間好多人排隊嫁，今日見佢唔洗排隊，當然要試下啦。餐湯係粟米忌廉湯，都幾濃稠，不過對於中意食粟米既我黎講，d粟米有d少海鮮蕃茄醬意粉配特選沙律套餐 - 沙律好大碟，而且材料仲好豐富，除左一般既沙律菜外，仲有我最愛既牛油果、薯仔沙律同有個整成球體形狀(我覺得係南瓜)既食物，其實基本上食完呢個沙律都飽。因爲個沙律份量都比較大，所以個海鮮番茄意粉份量就相對地細d，但依然都係好足料，蝦同魷魚味道都唔錯。忌廉雜菇煙肉意粉配溫泉蛋套餐 - 呢個都有附送一個沙律，當然無頭先果個咁大碟咁豐富啦。不過個意粉就有d遜色，個汁太稀，搞到個意粉完全無味，d煙肉係水煮既，所以都係淡而無味。最好食係隻溫泉蛋，係佢令到成個意粉有返少少味道。總括而言，我覺得呢間餐廳既沙律做得比意粉出色，而且一個套餐都幾豐富，有餐湯、沙律、主菜同飲品，所以價錢都唔算貴。