瑪拉小廚 (Closed)

第一次食南亞菜，都有d怕唔啱口味，不過朋友試過極力推介，即管試下！先食個魚柳芒果沙律，對我黎講個配搭好新鮮，魚柳係炸過既，都有成五六件；芒果好鮮甜，個沙律微酸好清新，五個人每人分少少開下胃唔錯。跟住就食海鮮pizza,個餅底好鬆軟，唔會太厚，芝士味香濃，都幾好食，但唔算特別。個燒羊脾就好好食，用左唔少香料(當然我唔知有咩)，一d都唔膻，燒得好香，有四件，一齊分d黎食就啱，唔會漏。另外仲有叫左海鮮墨汁麵同埋咖哩雞印度薄餅，一黎到大家爭住食相都影唔切。個麵淡左少少，麵有d腍；個咖哩好香，配熱辣辣薄餅食到停唔到口！