Coffee Jobs (Closed)

話說前幾日約左朋友去旺角上堂🏃‍♀️，上堂之前想去食少少野，但又唔想食商場入面嘅餐廳，於是就決定要試試呢間小店。💁果日約7點去到，店內約坐了3分1人，不用等位。落座後，要自己先出去櫃枱落單付款💵同攞餐具🍽🍽。之後食品準備好後會有店員送過黎。首先想讚一讚嘅就係隻碟真係好可愛，未食野已經滿足晒我地嘅少女心。😍😍💕原本想叫牛油果炸軟殼蟹雜菜沙津，🥑🦀可惜賣晒。於是改左叫蜜糖燒南瓜沙津。個沙津有驚喜！本身唔鐘意苦嘅沙津，而呢個沙津甜甜地😋，南瓜已經煮得軟身而十分香甜。分開上嘅汁同個沙津都好夾。👍💯另外仲叫左一個dinner set。分別叫左餐湯，麻醬挪威三文魚蕃茄闊條麵🍅🐟，飲品就叫左spring。餐湯係蜆湯，普普通通正正常常，隻蜆有沙，扣一分。個闊條麵🍝其實係見到隔離枱果碟好似好好食，所以叫左。🙈自己果碟到左，個賣相真係幾唔錯。😋😋撇開賣相，雖然個汁同個麵都幾普通，但塊三文魚真係煎得好好食。👍表面煎成金黃色，外面香脆，裡面鬆化，火候控制得啱啱好，肉質一啲都唔乾。飲品spring，餐牌上寫係peach🍑+citrus🍋，有極少量果肉，普通跟餐飲品質素。🆗原本上堂前唔想食咁飽，點知都仲係食到好飽。