錦麗 (MOSTown新港城中心(4期))

Open Now

Now Closed

女友今天返晏，又可以兩小口子撐枱腳食個lunch,本來諗住去香港地食，但行過見到新開左兩間餐廳，一間係茶餐廳，好多人等位，另一間係呢間越南牛河店，想試呢間越南牛河很耐了，但最近也要去大埔，估不到馬鞍山開了分店，女友早兩日先話想食越南嘢，正好，就去食碗pho 做lunch,我們排第二，等了差不多5分鐘就有位了，叫了兩碗錦麗綜合粉，有齊生牛肉，熟牛肉和牛丸，再叫了一個小食，大蝦扎肉米紙卷。小食先到，米紙卷卷得實實的，米紙唔乾，足料，點一下魚露醋醬，開胃好味。期待的牛河到了，滿滿一碗，份量正常，熱辣辣，試一啖湯，香濃牛肉味，清甜味，牛丸彈牙，生牛肉香滑，但最好食的是熟牛肉，肉味濃，唔硬，鬆軟好吃。唯一不好的是堂食雖然有水供應，要自己去庒不是問題，但卻是紙杯，如果環保一些會好D！