金龍冰室 (Closed)

作為馬鞍山人無野食就眾所皆知，大圍朋友介紹左大圍最近開左間冰室，入面真係中西餐都有。我就叫左個全日早餐食份量我想像中多好多，但同普通西餐廳既all day breakfast 大同小異，煙肉煎得好香而且唔會好乾，三文魚亦都幾鮮，無海鮮味，都無腥味。蛋同腸仔算係不過不失，一碟我都可以飽肚。友人叫左個星級雜扒，份量多到佢平時好大食都食唔晒，有豬有雞有牛，而且出廚房既時候仲好香，成個鐵板都熱滋滋。最尾嗌左個黑松露芝士焗雜菌西蘭花，芝士味幾濃，而且西蘭花唔會太乾。