美德冰室 (Closed)

第一次幫襯呢間既外賣，諗住早少少係openrice落定柯打，等餐廳有時間預備，點知11點落定13:15取餐去到果時都係要等，而且係個待應好似好驚訝咁問：「你咁早落餐既，我地放埋左一邊張單，忙緊忘記左」我聽完都有點唔知講咩好，做人唔駛咁坦白既，禮貌講句「得即刻幫你跟返」就掂架啦～ 好彩後尾個待應都有講返唔好意思，同埋廚房即刻跟返張單，唔係等太耐就拎到餐講返個外賣《沙爹牛肉公仔麵》配《3.6牛乳火腿奄列、丹麥多士》及《熱奶茶》由於好肚餓，同埋驚加左湯後個公仔麵會稔哂，所以直接無加湯食，變沙嗲牛肉撈公仔麵，都好好食啊，個沙嗲汁有茶餐廳水準奄列就唔係太食得出個牛乳嘅味道，不過個顏色好金黃，賣相唔錯嘅！而杯奶茶就都OK，見餐廳係用植物性嘅淡奶，有別於一般茶餐廳用黑白牌淡奶，呢度嘅奶茶冇咁濃奶味，但係茶奶比例配合得唔錯$37既價錢我覺得都抵食既！