永康美食

Open Now

Now Closed

難得一早入到西貢船河，小巴站附近之餐廳已經「人滿之患」，於是行入巷仔裏面求其揾間醫肚算，見永康美食不算多人，所以入去食，點了早餐($28)，沙爹牛肉麵，配太陽蛋，凍「檸茶」，再加一碟炸両($10)。沙爹牛肉是炒過的，牛肉幾好咬口，幾入味，麵沒有煮過腍，合格；炸両雖然是凍的，但腸粉是少少滑的，油炸鬼不夠脆但不會腍，算合格，但一定好過之前去潮濠城嗰碟腸粉。原來早餐叫凍飲無需加錢，而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，今次呢杯飲料夠凍，合格！