Yadllie Plate Express 야들리애플래이트 (Closed)

朋友同我講火炭有間外賣自取韓式🇰🇷炸雞🍗店，openrice仲可以自助外賣下單，一早落單啱啱時間去到才有得拎。原來依間韓式炸雞🍗店，旺角都有間。但今次唔駛去咁遠。即刻上openrice訂左d野食拎上個fd度食。無骨炸雞🍗（蒜香口味）：未打開都聞到香味，估唔到份量都幾足，好多件，又炸得好香脆，最重要係無骨，啖啖肉，又入味😋。吞拿魚紫菜飯卷🍙：雖然外賣，但一d都唔影響味道，壽司入面仲塞滿晒吞拿魚，大細又剛剛好，一啖一件。鮮蝦🦐沙律🥗：隻隻蝦🦐都咁大隻，好多隻，而且好爽口，d沙律菜🥗好新鮮，仲配埋2隻沙律醬（柚子醬/蜜糖芥末醬），即時令食慾大增。泡菜豆腐湯🍲：保溫做得好好，拎到返屋企仲熱，入面有好多料，仲有成舊豆腐，好滑，仲帶d辣🌶️味，好好飲唔夠喉。除咗openrice叫外賣之外原來都仲有其他外賣平台選擇，唔駛住火炭都食到，新界人有口福了。