德興茶餐廳 (Closed)

0係沙田區非連鎖式粉麵店買少見少，呢間德興仍然係「人頭湧湧」，仲要埋隔離間舖位，實行擴充營業.. 當然有佢優勝之處。兩個人，叫左個粉果、魚蛋米和牛肚牛筋米。(見圖，但用舊手機拍，所以好暗 >.<)。首先黎左個粉果，熱辣辣， d 餡都整得好惹味... 但 d 花生太唸，同埋個皮厚左少少。之後到魚蛋米: 上菜時，d 魚蛋放在米粉下，係佢地特色黎既... 所以圖片只見白濛濛一片。佢 d 湯底好白好清，d 魚蛋非常爽口彈牙，食咁多年水準都係咁高。如果鍾意食清淡既，可以試下呢個。至於濃味既呢，就可以試下牛肚牛根米... 呢款湯底比較深色，係落左味精既，但唔算好勁。而個湯底就好重花椒八角味，即使落左牛肚和牛根，但佢唔會係成層油浮起面果 d ~ 而佢既牛肚好爽口，佢既牛肚食落都好有口感。除左呢兩個米粉之外，仲想推介多一樣 -- 就係四寶湯。佢既湯底並唔係話味精水再加層油，而係用返佢奶白色既魚湯底.. 四寶亦好足料。所以建議如果唔係食粉既，可以試試佢。