越北牛肉粉專門店 (Closed)

今日去到沙田市中心，行過好運中心，見到佢經過全新裝修，感覺好似唔同左。於是我就走去睇下有咩改變，好彩的是好食的越北仲係度。見行到餓餓地，就一於入去叫野食，唔係就真係會餓扁自己。由於太肚餓，所以就叫左一客咖喱牛腩飯、金邊扎肉米紙卷、魚露生菜同埋一杯凍越南齋啡。先講個咖喱牛腩飯，咖喱味濃，牛腩又唔un，用來撈飯的確係一流，食牛腩最怕佢硬，但呢碟牛腩飯就無呢個問題。然後就係個金邊扎肉米紙卷，食落去菜味肉味俱存，同咖喱牛腩飯，呢個清新，味道又唔錯，正。之於個魚露生菜，真係真心推薦，平時食菜食開蠔油，今次就食魚露，咸咸地調到味，令人食指大動。最後梗係唔少得杯凍越南齋啡，飲開越南咖啡都知，佢地d咖啡味係唔同d，今次一飲就飲得係越南品種，貨正價實。估唔到今次再到沙田，仲可以食返越北，勁開心。