HABO室內釣蝦場 (Closed)

最近發現石門有個好岩老中青幼玩既地方，又唔怕日曬雨淋，全日任你玩，又唔怕餓，因為釣蝦場有小食同撈麵提供😚😚今次同朋友挑戰一小時睇下可以釣到幾多隻，係場邊見到上一個時段既人釣得好輕鬆，所以覺得自己應該都好快上手🤣點知都有d難度！釣蝦場會有專人黎教你所以程序同釣蝦工具點使用，仲有私人醒你少少既技巧，希望你容易釣到🤩最後結果同朋友加埋都係釣到5隻😅😅好彩釣蝦場會令你最少有5隻蝦，會唔會因應當日既數量而補多過5隻😎😎當體驗完釣蝦，會有專人為你釣既蝦燒烤，如選擇招牌鹽燒蝦就會免收加工費，其他麻辣燒同醬油燒都需要另收每斤$30另外仲有小食，今次叫左兩款小食，秘製醬油燒花枝丸同埋秘製醬油燒雞翼，估唔到咁好食，勁醬油味😍😍蝦堡釣蝦收費：1小時 -$1402小時 -$2503小時 -$3404小時 -$410📍HABO室內釣蝦場 (沙田)🗺️ 沙田石門安群街1號京瑞廣場2期3樓316-317號舖