Mimila (Closed)

沙田餐廳話多唔多，話少唔少，今次去左新城市到食馬來西亞野，喺沙田區黎講叫好食，喺香港黎講就一般好食，不過點都要支持下嘅！（1）白灼時菜，$32蚊，店員好好，幫我地汁另上。（2）秘製香炆牛肋飯，$88。嚟到呢間餐廳，又唔想食辣、喇沙嘅話，誠意推薦呢一個飯，味道偏甜，唔油肉肉質好軟，白蘿蔔都好入味。（3）新加坡八胡椒肉骨茶，$78。我湯都幾龍，食之前記得攪一攪啊，因為啲胡椒喺晒底，啲豬手豬肉，有啲食，如果有得揀瘦肉嘅話就更加好。另外因為呢個肉骨茶本身無配飯，所以要另上飯，份量其實都幾多，所以可以兩個人食。（4）喇沙撈麵配手撕雞，$88。覺得咁多野食裡面，呢個最好味，可能我個人比較鍾意重口味，佢有一啲肉鬆調味，既甜又咸香。唯一嘅缺點就係佢好油膩。（5）喇沙蝦湯配手撕雞，$108。個蝦湯好香，overall係好食嘅，但隻多有啲凍，呢到扣少少分。人均$120蚊，整體都okay ，會畀7.5/10。