咖喱邦 (Closed)

新城市廣場又有新餐廳喇！呢間curry kingdom 一間係新派咖喱餐廳，亦都係香港首家與新加坡知名百年醬料品牌 Amocan 聯手合作研發同提供泰國、新加坡、 印度同埋日本四國咖喱。相當之有特色🤩四款咖喱，每款辣度不同，有五種辣度可以選擇，辣同唔辣任君選擇！雞扒沙律$108係印尼出名嘅gado gado沙律，花生醬汁香濃，雞扒大大件，配料仲有雞蛋同埋豆卜同埋沙律菜。印度神牛（印度咖喱）$178牛肉大概七成熟，軟硬適中恰到好處配上由多種香料組成香味濃郁嘅印度咖喱，再配上滑蛋，入口順滑。串燒套餐（6串）$138自選嘅六款串燒，配上兩種唔同口味嘅咖喱，非常惹味！我就揀咗豚肉波板糖、豬頸肉串、雞軟骨肉棒、雞肉串、燒秋葵同埋燒茄子，其中最鍾意豚肉波板糖，厚切得來肥瘦適中，配上咖喱汁口味更有層次。黃邦邦菊花味梳打，清爽解辣又refresh!!綠邦邦青檸梳打入邊配上薄荷葉，同樣都係清爽解渴之選～由即日起至 8月31日期間，顧客凡惠顧「咖喱邦」，即可以半價優惠品嚐各款特色飲品。另外，「咖喱邦」亦將於此期間發出港幣 30元現金券咖喱邦地址:沙田正街 18 號新城市廣場 1 期 7 樓 703A 號舖