EaT燒肉

Open Now

Now Closed

喺沙田新開一間以外星人作主題嘅燒肉店，佢哋主打以一人份嘅燒肉套餐，入面嘅款式包括咗日本宮崎A5和牛、牛五花、1++韓牛(腹協兩側、韓牛三角、牛頸脊）、牛小排、富士蘋果地雞肉、西班牙豬五花、雞爽肉等。佢哋嘅套餐仲可以加錢轉紫菜飯，飯身用上日本嘅越光米，配埋紫菜上嘅鹽花，令越光米嘅香甜更加突出。而呢度燒肉醬汁都好講究，有四款風味不同的醬汁，分別係燒肉汁、鹽味汁、玫瑰岩鹽和原粒黑椒等。我哋呢次就叫咗一客牛五花&肩胛牛柳&薄牛舌套餐，同埋西班牙豬五花&黑毛豬肋條&富士蘋果地雞肉。豬五花油香四溢，豬肋條嘅肉味香濃，雞肉嫩滑配埋鹽醬汁更加突出用嚟醃製嘅富士蘋果嘅清甜味。而牛五花嘅脂肪比例均勻，牛舌夠薄身，口感仍然彈牙，而牛柳嘅牛味超濃，肉質軟嫩，加埋玫瑰岩鹽可以令風味層次得以提升。除咗肉類套餐之外，仲可以額外點選其他食材，好似我哋呢次就點選咗一份魷魚下足，佢哋嘅魷魚都好新鮮，口感彈牙爽口。