Golem Craft Beer (Closed)

突然朋友話想飲酒， 記得上次黎過石門呢間酒吧有得飲嘢🍷 咁啱大家住沙田附近，近近哋就去咗呢度夜晚七點鐘左右都幾多人，大部分嘅人都飲呢度嘅手工啤酒，我哋叫咗Golem beer。 呢款啤酒清清哋，但帶少少啤酒苦味，易入口餐廳環境幾chrill, 適合傾計飲嘢 三五知己一齊嚟就好啱送酒當然要叫返啲小食，我哋叫咗炸魷魚圈， 份量都幾多，炸得好香脆個沙律醬幾好，食咗感覺冇咁熱氣。另外仲叫咗炸雞，炸雞都炸得好香脆，熱辣辣，入面啲雞都幾滑，呢個仲好食過魷魚圈 呢度啲炸物比較重口味，所以配返啤酒就可以中和返飲啤酒梗係要食豬手 豬手幾多肉，同埋都幾夠鹹。 我最鍾意係佢嘅蜜糖芥末醬，酸酸甜甜，幾開胃。 薯角炸得都幾好食。餐廳環境係酒吧西餐形式，幾光猛。 不過如果張檯大啲會好啲，因為食豬手嘅時候要切，都唔係太夠位。想飲杯啤酒，覺得黎呢度都唔錯。