樂園魚旦專家 (好運中心)

Open Now

Now Closed

今日出咗沙田，同朋友去咗好運中心新開張嘅樂園魚旦專家食午餐。下午1:45去到，店舖已經坐滿人，裡面主要有圓枱同四人枱，大概有十幾張枱，可以容納唔少人。樂園魚旦專家有粉麵同飯可以點，而最出名係魚旦同牛腩，我地點咗一碗金牌牛三寶、一碗樂園四寶丸同2杯凍檸茶。金牌牛三寶 米線牛三寶有牛腩、牛筋同牛肚。牛腩同牛筋煮得夠腍，牛筋一夾就斷，食落好腍，牛肚食落有嚼勁。整碗米線仲加咗牛腩汁，夠入味，好食。樂園四寶丸 河粉四寶丸有魚蛋、魚餃、黃金片頭同肉丸。魚蛋好彈牙，河粉份量都好多，食得夠飽肚。每張枱都有醋同辣椒醬，食粉麵必加辣椒醬，好惹味。整體黎講，樂園魚旦專家性格比高，推薦魚旦同牛腩。