和氣食堂 (河畔花園)

Open Now

Now Closed

食過黃大仙分店，知沙田都有一間，今日探老友，正好同佢一齊黎幫襯。7點幾已經要排隊，咁火爆😆終於坐低，雖然店面不大，室內裝飾都幾精緻。餐牌選擇真係好....豐富！睇到眼花花👇🏻【田園野菜沙律】紅綠配搭，清新爽口，陪有黑醋汁，啱晒開胃菜。👇🏻【5點刺身】三文魚、油甘魚、帆立貝、鮮蝦、吞拿魚。三文魚厚切，肉質滑嫩。帆立貝新鮮軟糯，夾在中間的青檸片提高了鮮味。鮮蝦刺身肉質鮮嫩，蝦頭多汁。所有刺身都好新鮮，高質素！👇🏻【大阪豬扒丼】好似係期間限定，上菜時真係好震撼，個菜絲堆到好似山咁，鋪滿魷魚絲，又係一路食一路尋寶咁😂 炸豬扒外酥內嫩，仲有炒滑蛋，內容幾豐富。👇🏻【黑豚燒腩丼】豬腩燒得好入味，不過好似過火了小小，有小小lon味，但豬肉肥瘦均勻，配上清新蔥粒，不錯之選。串燒👇🏻【千迴火鳥】燒雞全亦，火候啱啱好，雞亦外焦內嫩，小小辣，幾入味。👇🏻【日式炒雜菜】份量十足，鐵板熱辣辣，配白芝麻、魷魚絲，清爽之選。我地眼大肚細，最後食唔晒要打包，但食得好滿足，會再黎幫襯。