甜入心 (好運中心) (Closed)

係沙田夜晚想食糖水但係好多舖都閂左 好彩呢間位於好運中心嘅糖水舖仲開緊 入到去都好多客人食緊 咁應該點都唔會難食啦😌menu都多選擇 有西米露 刨冰仲有好少見嘅椰皇燉奶！我呢啲燉奶控就一定要試下啦🥥戀上椰皇子💰56呢隻我會形容係性價比最高嘅燉奶 鍾意糯米製品嘅我就有口福啦 配料包括芋圓 小丸子 芝麻湯圓 同椰汁燉奶 前面三樣都係煙韌嘅糯米製品 仲要份量毫不吝嗇 雖然椰皇個size細左D 但係D配料一定食到你飽🤭D小丸子已經算大粒 帶有本身嘅微甜 芋圓嘅芋頭蕃薯味真係好突出 煙韌十足唔會食到粉或者軟瀨瀨 芝麻湯圓咬開就爆餡添！終於講到主角椰汁燉奶 由於係熱嘅關係 D奶一篤就已經變身液體 所以係半食半飲嘅狀態 呢隻燉奶完全唔腥 而椰皇盅入面嘅椰子仲可以刮D椰肉來食 不過椰肉脂肪含量高 所以食落都比較膩D 真係好飽肚 好有滿足感✌🏻🍨森林蹤跡💰42呢隻就係比較傳統港式嘅甜品啦 有齊椰汁 雲呢拿雪糕 抹茶蒟蒻 芒果 小丸子 同主角西米露 所以整體比較真係似一碗飲得嘅糖水多D 抹茶蒟蒻同芒果係椰汁中若隱若現 好樂衷浮上水面咁 唔怪之得叫森林嘅蹤跡 整體搭配都好正呢度除左糖水都有D鹹食 但係對我來