靠得住粥麵小館 (Citylink)

Open Now

Now Closed

靠得住呢間粥店我細細個就聽過呢個名，因為出名所以定價都偏中上。個人覺得呢度食物質素中規中矩啦，唔會話好特別。爽滑肉丸粥配腐乳通菜$66- 肉丸幾香好滑，應該落咗唔少肥豬肉，同埋都好似有少少蝦肉。一碗粥入面有五至六粒豬肉丸，都算唔錯。粥底有少少稀，個人覺得落咗味精，食完呢一餐晚餐之後都有少少頸渴。一直都怕食粥會唔夠飽，所以配埋一碟腐乳通菜，會有多啲纖維希望飽肚啲。結果嗰晚都唔需要食宵夜，不過就要飲返多啲水嚟解渴。