美談韓國 (Moved) New Location

昨晚共三人去東涌美談晚餐，最後一肚氣。首先酒水沒有在menu找到，只是我們問每款價錢由一個印尼姐姐用唔咸唔淡廣東話告訴我們，但埋單都係同佢講嘅有出入...貴咗，另外韓食前菜都是基本供應，但此店衹得五小碟和衹可refill一碟，再要就要俾錢，但它們的前菜不值要俾錢吃。我們order了韓式醃菜包豬肉，海鮮煎餅，煎蛋包魚都是不過不失，之後我們再order了最令我們一肚氣價值$298嘅部隊鍋，但價錢不是重點，因為我們都知道此鍋在任何一間韓式食店都差不多價錢，但眼見有人在廚房拿來一鍋疑似麻辣雞煲嘅物體出嚟，我們三人都O哂嘴"唔係嘛"...就係，就係我們order的部隊鍋，你以為部隊鍋就一定係多配料同大大鍋, 少年…你太年輕了! 沒有最細只有更細嘅部隊鍋，再看一下，買相嚇人，先唔講個鍋嘅size，所用嘅腸同所為嘅午餐肉都食得出不是韓國貨，普通雞肉腸和火腿扒，全是"薄"切形式上場，不得不稱讚廚師嘅刀功👍🏻。知道老闆之前在富東街市經營一間外賣小店，很用心做，我同行的朋友也常幫襯，但今天的美談……希望老闆想多賺點錢時，也要有點營商良心。