Video
Read full review
2011-01-30
464 views
呢個季節，可能好多人都話去BBQ呀、打邊爐呀、蛇羹之類，但係我就偏偏覺得要去食自助餐，因為呢段時間生蠔又肥美、又好味，去蠔吧食都成五六百蚊，但係自助餐只係三四百蚊又任食，而且蠔既質素都非常之好。所以自助餐是眾餐的好選擇。先講冷盤，海鮮吧款式OK，有生蠔、長腳蟹、翡翠螺、大青口同龍蝦仔，款式算齊備，可是除了對生蠔同翡翠螺有興趣之外，其餘都是少嚐。生蠔先前所講不是即開，可是都算新鮮，而且隻隻都肥美飽滿，可是我略嫌太過肥，食落太過Creamy，食得多，好滯，但呢到既cocktail汁實在十分出色，好好味，我覺得配上coctail汁可以減少飽滯感。翡翠螺異常大隻，足足有大半隻手掌咁大，非常鮮甜，食多幾隻都已經夠回本。長腳蟹都好鮮甜，不過蟹腳的Size好參差，時大時細，細時可以好似花蟹咁細，大時可以長過隻筷子。青口係我所見之中最大隻，隻隻連殼時，大到成個網球咁大，嚇我一跳，整體海鮮都算ok。另外，沙律方面都有幾樣選擇，不過唔知點解d生菜好苦，食左兩啖都無再食了，醬汁方面都好多，有意大利醋汁、千島汁、凱撒汁和紅酒汁，仲有好多唔同味道既oliver oil揀，呢一方面唔錯。而凍肉方面，有煙三文魚、煙
先講冷盤，海鮮吧款式OK，有生蠔、長腳蟹、翡翠螺、大青口同龍蝦仔，款式算齊備，可是除了對生蠔同翡翠螺有興趣之外，其餘都是少嚐。生蠔先前所講不是即開，可是都算新鮮，而且隻隻都肥美飽滿，可是我略嫌太過肥，食落太過Creamy，食得多，好滯，但呢到既cocktail汁實在十分出色，好好味，我覺得配上coctail汁可以減少飽滯感。
翡翠螺異常大隻，足足有大半隻手掌咁大，非常鮮甜，食多幾隻都已經夠回本。長腳蟹都好鮮甜，不過蟹腳的Size好參差，時大時細，細時可以好似花蟹咁細，大時可以長過隻筷子。青口係我所見之中最大隻，隻隻連殼時，大到成個網球咁大，嚇我一跳，整體海鮮都算ok。
另外，沙律方面都有幾樣選擇，不過唔知點解d生菜好苦，食左兩啖都無再食了，醬汁方面都好多，有意大利醋汁、千島汁、凱撒汁和紅酒汁，仲有好多唔同味道既oliver oil揀，呢一方面唔錯。
而凍肉方面，有煙三文魚、煙青魚和ham等等，質素普通，煙三文魚唔夠油分，ham就唔好食，唔夠咸香，好似無咩味咁。相反地芝士質素唔錯，款式都有幾款，最鍾意Brie芝士，夠軟身，夠味道，搽在餅乾上，十分好味。每枱都會奉送的即焗有機麵包伴湯同吃，麵包外層香脆，內裡鬆軟，搽上牛油，十分滋味。
刺身櫃的刺身完全俾師父糟蹋了，唔知道係唔係要不規則切出來會滋味d呢？可是係出面食咁耐都未見過好好地一條魚生，會切到無一塊係正常形狀或三尖八角的，一望落去都會覺得唔好食，其次是那些劍魚望落似鱆紅的，完全分唔出係劍魚，食了一轉，已經無心情再食，轉而攻熱盤。
行過烤爐，見到一排排粟米、燒雞同羊膝，即刻向廚師要求一隻雞脾，佢即時在烤爐取出燒雞並切了一隻雞脾給我，味道唔錯，用粗鹽醃雞，雞肉變得嫩滑，外皮鬆脆，好正。
食了兩轉熱盤後，又一驚喜，發現了涼拌鮑魚，即時拎了來食，每一小份都有半隻鮑魚，味道鮮美，下面墊著的中華海草都好好味。最後，食了每位一份的日式蒸蛋，這個好食，從觀感上，這味蒸蛋過老，可是一放入口卻異常嫩滑，清清淡淡，味道唔錯，杯底還有半粒帶子。
最後當然食甜品啦，這裡的甜品款式都算多，夾雜著多國甜品，西式、中式、日式同泰式樣樣齊，味道不俗。除了甜品外，更加不少得雪糕櫃，大約都有8-10款雪糕可以選擇，而且牌子仲係Hagendez及MOVENPICK，味道當然勝過好多酒店的雪糕。
甜品亦都有分大盤、小杯、一口Size同原個蛋糕俾客人選擇，就現場所見，大部份人都對大盤沒有太大興趣，最多都只是那個朱古力蛋糕，其餘都不是太多人去食。反而小杯裝甜品則勝一籌，侍應不斷refill，當然多客人食啦，細細杯，做得都相當精緻。
紅桑子杯評價不錯，唯一可挑剔的是有點過甜。而日式和果子則味道清新。
最後，以一杯cappucio作結，奶泡唔錯。
多謝大老闆請我們食。更多資料：http://hk.myblog.yahoo.com/zysk-c/article?mid=1587
Post
