YakiniKuu Japanese Bbq (Moved) New Location

每次經過九如坊，都會望一望呢一間舖頭，今日做冬，所以我哋book定枱，響度做節。之前都有上open rice, 睇吓食評. 啲食評都寫得好好，所以都好大期望。雖然每張枱上面都有一個抽油煙機嘅烟通，但始終都係燒肉店，所以一入到舖頭，都有一浸油煙嘅味道。我哋叫咗個特選燒牛肉套餐，同埋一個精選燒牛肉套餐。前菜係沙律同埋炆牛腩，跟住就嚟咗兩碟牛，白飯同埋麵豉湯。個侍應就咁放低晒所有嘢就算，完全冇話俾我知邊一碟係特選，邊一碟係精選牛肉。以前食過其他燒肉店，侍應都會介紹一下牛肉嘅部份，同埋要燒幾耐，呢度嘅侍應全部放低晒就算啦⋯⋯😞牛肉尚算可以，不過不失，但係我都會希望有多少少嘅服務，介紹一下食物。後記，食完之後，衣服都沒有太多油煙味，尚算可以。