第一郡 (Moved) New Location

慕名而去因好多網紅講到好好食，下午接近1:40左右去食，都要輪侯大約10分鐘左右有枱，叫咗最出名的蟹膏蕃茄湯檬粉，蟹膏味道麻麻，冇鮮味和蟹味好淡，蕃茄和其他配料都係一般，上湯及檬粉唔錯，凍奶茶茶味濃，好飲、而熱咖啡用紙杯裝有點失望，飲品有跟餐價都算抵飲，但餐廳環境擠迫，最慘係坐喺面壁位置，背脊不停被侍應撞到，而且座位有啲迫，同隔離食客手部都撞了幾次，仲有衛生真係麻麻，天花有滴水，所以想快快食完盡快走，唔想再試其他嘢，侍應招呼兩極化，年長侍應都有禮貌及耐性，年青侍應木無表情兼無招呼，而性價比只屬一般，如果路經附近一試無妨，絕對不值得專程去幫襯的需要。