Video
Read full review
2024-10-06
2537 views
沒比較就沒傷害 - 挽肉と肉肉開業前一個月已經期待，因為沙田友，口痕想食漢堡扒都唔洗過海又要預約，點知期望越大，失望越大。環境挽肉 - 環境設計簡潔通透，座落於IFC，白天陽光，晚上維港，樓底高，燈光柔和，每客桌面有小射燈照亮食材，打卡一流。肉肉 - 位於商場內，空間相對閉密，樓底較矮，大大支射燈係頭上面射落黎，毫無氣氛。服務挽肉 - 員工對於調味、餐具和用餐次序講解詳細。漢堡煎好後，會擺放在鐵網上，底部有鹽槽，既可保溫又能調味。每出一件漢堡，會翻一下木牌，有日式感，不過，座位較為狹窄，要自助取水。肉肉 - 員工會簡單講解，菜、湯、飯可以添加，漢堡煎好就會放到餐台前既鐵板，油脂四濺，如果你叫芝士味，更可以欣賞到芝士散花，一檯都係，不過勝左坐位寬敞，每客都有水酌。衛生挽肉 - 廚房內員工並非全部佩戴口罩和手套，員工之間有講有笑，感覺唔係太好。肉肉 - 廚房內員工整裝上陣，衛生做得較好，不過他們之間的高聲談笑和大動作，非常滋擾食客。價錢挽肉 - 基本餐，3件扒，白飯，湯，蛋X1 $138肉肉 - 菜單選擇較多，按3件扒，白飯，湯，蛋X1 $110食物質素挽肉-漢堡扒- 牛味淡，有洋蔥同黑椒
開業前一個月已經期待，因為沙田友，口痕想食漢堡扒都唔洗過海又要預約，點知期望越大，失望越大。
環境
挽肉 - 環境設計簡潔通透，座落於IFC，白天陽光，晚上維港，樓底高，燈光柔和，每客桌面有小射燈照亮食材，打卡一流。
肉肉 - 位於商場內，空間相對閉密，樓底較矮，大大支射燈係頭上面射落黎，毫無氣氛。
服務
挽肉 - 員工對於調味、餐具和用餐次序講解詳細。漢堡煎好後，會擺放在鐵網上，底部有鹽槽，既可保溫又能調味。
每出一件漢堡，會翻一下木牌，有日式感，不過，座位較為狹窄，要自助取水。
肉肉 - 員工會簡單講解，菜、湯、飯可以添加，漢堡煎好就會放到餐台前既鐵板，油脂四濺，
如果你叫芝士味，更可以欣賞到芝士散花，一檯都係，不過勝左坐位寬敞，每客都有水酌。
衛生
挽肉 - 廚房內員工並非全部佩戴口罩和手套，員工之間有講有笑，感覺唔係太好。
肉肉 - 廚房內員工整裝上陣，衛生做得較好，不過他們之間的高聲談笑和大動作，非常滋擾食客。
價錢
挽肉 - 基本餐，3件扒，白飯，湯，蛋X1 $138
肉肉 - 菜單選擇較多，按3件扒，白飯，湯，蛋X1 $110
食物質素
挽肉-
漢堡扒- 牛味淡，有洋蔥同黑椒調味，炭火香氣濃郁，口感比較豐富，唔柴口，多汁，有空氣感，油脂飯底可見。
米飯- 略顯爛口，無飯味，口感差。
湯- 麵豉湯，無咩特別。
蛋- 好香，蛋黃流心。
調味- 有特色，有幾款我幾鐘意。
肉肉-
漢堡扒- 牛味重但無汁，味道單一，又柴又乾，食落有90%似M記既芝士漢堡個塊扒，無空氣感。
米飯- 粒粒分明，米香四溢，口感良好。
湯- 麵豉湯，蜆有沙，味道欠佳。
蛋- 感覺超市一隻
調味- 無特色，無一款鐘意。
整體用餐體驗
挽肉 - 整個用餐過程約1小時，能慢慢享受整個用餐，員工會待客人食完最後一口，先會再上另一塊扒，完美體驗到3種食法。(原味，柚子，雞蛋)
肉肉- 急急急，全程35分鐘，員工見你食第一口已經上另一塊扒上鐵板，同你講，扒6成熟，咁如果我想食7成，係咪迫住我要即時起筷，感覺好壓迫，每件扒都係咁，所以餐廳翻台超快。
如果要再食漢堡扒，會等挽肉開分店先再去，而肉肉…免了！！
70 views
0 likes
0 comments
62 views
0 likes
0 comments
77 views
0 likes
0 comments
Post
