Video
Read full review
2024-04-06
51 views
1. 叫職員拎QR code俾我落單，等咗好耐先有人拎個QR code過嚟。搵個員工嚟幫我落單，仲快過問你拎張QR code！2. 於是我自己落完單嘅時候已經係夜晚9:15。第一碟到嚟嘅係蒜泥白肉。食完到9:30碗麵先到。結果支豆漿喺9:45先到。真係想問吓啲職員，啲豆漿即刻磨㗎？點解等半個鐘先有嘅？一支豆漿都要等半粒鐘先有，想話你啲職員手腳慢都唔得。成班渾渾噩噩，個客舉手拎QR code一個二個都扮睇唔到。3. 到9:50嘅時候, 有個收銀嘅阿嬸行過嚟企喺我側邊叫我俾咗錢,先佢哋要埋數, 我話摷緊銀包，佢仲喺側邊係咁望住我,支豆漿未飲晒，於是我就掹返支飲管出嚟扭返個蓋呢個過程佢全程望住我做.好似驚死我唔俾錢咁.啤住晒講嘢又大聲。個阿嬸好似我欠佢錢咁樣，忙到實一實，企度望住我起身行出去。感覺好似犯人，好不安，令人感覺不良好，有着前所未有的屈辱！4. 於是我行到出去收銀按佢要求俾錢。我只係聽到佢問我俾cash定八達通。我話cash於是我就喺銀包攞啲cash出嚟。佢全程一直望住我個銀包佢嘅氣勢同氣場令人覺得好不安好似掘住你、等得好唔耐煩。然後我話要返張單，佢就好串咁話:’’頭先問你又話唔要
搵個員工嚟幫我落單，仲快過問你拎張QR code！
2. 於是我自己落完單嘅時候已經係夜晚9:15。第一碟到嚟嘅係蒜泥白肉。食完到9:30碗麵先到。結果支豆漿喺9:45先到。真係想問吓啲職員，啲豆漿即刻磨㗎？點解等半個鐘先有嘅？一支豆漿都要等半粒鐘先有，想話你啲職員手腳慢都唔得。成班渾渾噩噩，個客舉手拎QR code一個二個都扮睇唔到。
3. 到9:50嘅時候, 有個收銀嘅阿嬸行過嚟企喺我側邊叫我俾咗錢,先佢哋要埋數, 我話摷緊銀包，佢仲喺側邊係咁望住我,支豆漿未飲晒，於是我就掹返支飲管出嚟扭返個蓋呢個過程佢全程望住我做.好似驚死我唔俾錢咁.啤住晒講嘢又大聲。個阿嬸好似我欠佢錢咁樣，忙到實一實，企度望住我起身行出去。感覺好似犯人，好不安，令人感覺不良好，有着前所未有的屈辱！
4. 於是我行到出去收銀按佢要求俾錢。我只係聽到佢問我俾cash定八達通。我話cash於是我就喺銀包攞啲cash出嚟。佢全程一直望住我個銀包佢嘅氣勢同氣場令人覺得好不安好似掘住你、等得好唔耐煩。然後我話要返張單，佢就好串咁話:’’頭先問你又話唔要？’’。我話我聽唔到。
呢個阿嬸職員嘅態度真係唔要得，極之冇禮貌，食你幾十蚊嘢，又要受埋你氣。仲要串返我轉頭，唔俾人聽唔到㗎，你哋有陣時落單都聽唔到啦，難道我要反問返你係咪聾嘅？唔該尊重吓啲客人，如果你係咁趕住收舖收錢收工收檔嘅，唔該你提早少少截單，又唔檢討吓你哋員工出菜出得慢，支豆漿都要成半粒鐘先拎過嚟！
永遠唔會再幫襯！
Post
