譚仔雲南米線

Open Now

Now Closed

其實多年前佢初初開既時候，都唔覺啲冷氣問題。但到依家，真係次次去，坐邊個位，啲冷氣都凍到入左雪房咁，真係凍到震咁等碗米線上。明既，有時啲客大熱天時入到黎想涼冷氣，但咁樣開到咁大對住吹都唔係幾好啫⋯

呢間野趕時間真係唔好嚟，跟本做唔切，等左半個鐘先嚟到個米線，追幾次，啲阿姐唔係好理你，食到成肚火，直情想講粗口🤬係呢間個運作系統有問題，外賣堂食單又搞到好亂咁

1. 叫職員拎QR code俾我落單，等咗好耐先有人拎個QR code過嚟。搵個員工嚟幫我落單，仲快過問你拎張QR code！2. 於是我自己落完單嘅時候已經係夜晚9:15。第一碟到嚟嘅係蒜泥白肉。食完到9:30碗麵先到。結果支豆漿喺9:45先到。真係想問吓啲職員，啲豆漿即刻磨㗎？點解等半個鐘先有嘅？一支豆漿都要等半粒鐘先有，想話你啲職員手腳慢都唔得。成班渾渾噩噩，個客舉手拎QR code一個二個都扮睇唔到。3. 到9:50嘅時候, 有個收銀嘅阿嬸行過嚟企喺我側邊叫我俾咗錢,先佢哋要埋數, 我話摷緊銀包，佢仲喺側邊係咁望住我,支豆漿未飲晒，於是我就掹返支飲管出嚟扭返個蓋呢個過程佢全程望住我做.好似驚死我唔俾錢咁.啤住晒講嘢又大聲。個阿嬸好似我欠佢錢咁樣，忙到實一實，企度望住我起身行出去。感覺好似犯人，好不安，令人感覺不良好，有着前所未有的屈辱！4. 於是我行到出去收銀按佢要求俾錢。我只係聽到佢問我俾cash定八達通。我話cash於是我就喺銀包攞啲cash出嚟。佢全程一直望住我個銀包佢嘅氣勢同氣場令人覺得好不安好似掘住你、等得好唔耐煩。然後我話要返張單，佢就好串咁話:’’頭先問你又話唔要

大家好！今天嚟到譚仔，勁想同大家講下我啲實時感受🍲。首先，我揀咗過橋米線套餐，裡面料多得嚟，仲要熱辣辣超惹味！湯底選咗清湯，飲一啖就覺得好爽口呀，而且雞肉得意得嚟，過著爽嫩，一啲都唔柴💯。米線自己都添唔完，真係糖心到爆炸嘅量呀！仲有唔好錯過土匪雞翼，幾隻嚟嘅真係香噴噴，外層微酥，脆皮撲鼻，一咬落去，肉汁四射，鮮美啖啖肉，真係食落去正喇！至於炸醬，入口微甜，喺米線度推著攪一攪，攪一攪又食一啖，味宜人心暖笠笠👌。最後，呢度環境唔錯又清爽，落嚟一試，平民價錢，得意到爆，我保證你會愛上每一條米線同埋每一啖肉。甘，今日嘅食評就到此為止，下次再見！食得開心！

今日去葵芳呢間譚仔食蕃茄湯米線+凍檸茶，本身食緊嗰陣就冇乜野，跟住食完飲緊杯野嗰陣時個肚超唔舒服同想嘔，唔知係咪關佢啲嘢食嘅問題，結果杯嘢飲冇飲曬就走，下次都唔會嚟，同埋呢間好多昆蟲飛來飛去

用餐時間：7/7/2023 19:30食店位置：譚仔雲南米線-葵芳地鐵站好爵中心有想像過要食一碗簡單的酸菜炸醬雞肉酸辣米線，要等好久好久？究竟有多久呢？由坐下落單（19：35）到面對好幾個服務員西口西面惡言和不理不睬的情況下，我繼續不停催單4-5次後，最後服務員才凶巴巴和一言不發頭也不回地搶去我檯上的單據拿去出菜位，等了又幾分鐘，我問怎樣情況，她看著其他地方又西口西面回應：「追緊啦」就又頭也不回走了，最後一個服務員把米線隨意放在我的檯上，這個米線真厲害，讓我足足等了30分鐘才由西口西面的職員送到檯上（20：05），姑勿論米線好味與否，一個簡單的米線居然由以前等5分鐘到現在要等這麼久又要面對職員無禮的情況下，這一餐完全是不能接受，這間譚仔完全是不知所謂，職員嚴重無禮失德，請大家小心不要中伏！

以前想快食一個簡單嘅米線就即刻會去咗譚仔，想快食又熟晒menu坐低即叫食完半粒鐘攪掂真正快靚正。賣盤後自己都食過，都聽過好多人話差多，所以都少咗去食；今日食飯時間周圍都要等位，所以就去咗唔駛等位嘅譚仔。坐低咗前後左右都有人追單（聽到其中一位話已經半個鐘），平均一半人要追，望望周圍多數台面只得飲品及小食，食緊碗米線嘅<30%；而我就叫咗碗小鍋米線，記憶中係好大碗要大隻男先食得晒（或者兩個細食女都夠食），可能大耐無食了，估唔到細碗咗好多，都算…….. 但係食咗一大啖之後發現一粒丸都無，咁就問姐姐係咪而家小鍋米線無晒魚旦、墨魚九、牛丸…… ？ 佢話可能比漏咗😵‍💫，跟住就好快係廚房補返3粒丸比我。至於味道就都可以，但係個賣相、米線及餸嘅量都少咗、平均都要等20-30分鐘嚟講（我係25分鐘），就好似無咗以前快靚正嘅感覺了！

上個月三哥推出鴨血米線今個月就到譚仔出新嘢就係近期大熱配菜香茜皮蛋 魚湯米線配脆肉鲩 $④③鐘意食香茜嘅朋友 應該都期待但比我有啲失望😞1.香茜不足 今次冇加$32.皮蛋 脆肉鲩 唔多 每樣都係兩三件到雖然湯底香茜味唔算濃 但都係碼食得到香茜味不過不失脆肉鲩 彈口 唔太淋口感度一讚今期外賣有三款優惠我就加左優惠二同三優惠二：+$20 小食拼盤-麻辣豬耳 -紅油木耳 -重慶口水雞翼 份量不過不失 一個人食麵加呢個絕對飽今次譚仔推出埋香茜青檸飲品當然要加埋啦仲要優惠三 加$5就飲到特飲(P.s 堂食要飲 要加$12先飲到）睇落去好似好多香茜但飲落去就冇咩香茜味得青檸汽水味香茜味都係唔夠今次譚仔推嘅新嘢對我嚟講有啲失望味道：🥰🥰/5CP：😍😍/5

估唔到隔咗冇幾耐我又選擇食米線啦，呢度嘅米線價錢唔貴係一個好好嘅晚餐選擇，無論係一個人食或者同朋友一齊食，都可以選擇喺度，其實呢度嘅米線湯底都唔錯，唯一唔係幾好嘅就係候餐時間有啲耐，呢度嘅職員態度都唔係話太好，希望可以改善啦。不過依度嘅過橋米線既米線份量都幾足，我係幾滿意嘅。不過都可以見到其實依度過橋米線嘅配料份量好似比其他分店少咗少少。呢度嘅湯底味道足夠，我今次喺食小辣，味道幾開胃，啱晒呢個天氣！

今日星期六就約左朋友係葵涌廣場買衫加掃街食小食，之後就去左近地鐵站既譚仔食米線，裏面地方大，而且位置多，除左見到有木制枱同椅子既大枱外，仲有卡座，未滿時就不用門口拿號碼，直接進去自己選擇位置坐就可以因為之前食左野，所以我地2個就叫左一個過橋米線套餐(重慶酸辣湯3小辣)同檸檬茶，湯底酸酸辣辣好開胃，套餐所有餸都有，如：魚蛋，牛肉，腩肉，雞肉等，超級豐富，其本樣樣餸都可以食到，炸醬同酸菜就另一隻碟上，二人食一個套餐已經夠了

原來譚仔有下午茶$35 有2 樣餸 例如墨丸、魚片頭等就加$1 酸辣、麻辣 加$1 不設少米減一蚊😄包一杯熱飲份糧其實同平時差唔多，叫左雞肉腩肉二小辣米線偏硬，但可接受以咁既價錢 有野飲， 抵死另外，叫了麻辣生腸好正 ,不過份糧再多啲會更好依家食滿$100 ,有譚仔薯片送薯片又真係幾似譚仔😄

本人已經沒有來譚仔吃米線約一個月。每次中午來到也要等候約10分鐘及服務不周到，經常漏單及食物來錯台號，每次來到也是白走一趟。期待已久的夢想終實現了，不吃麻辣非好漢，又是挑戰吃辣的時候了。是次點選了一碗豬腩肉米線 (中辣)及一碟巴辣生腸的小吃。前者的腩肉配料脂肪及肉質平均，口感有點粗糙。「麻雀雖小，五臟俱全」，它的成份卻跟普通小菜來手掌般大蒸或烤的五花腩肉沒有大分別。湯底精心選取含豐富骨膠原的豬骨熬過約10小時，即使加辣骨的原味沒有蓋過。後者的生腸即是由一頭豬當中的腸臟抽取出來，它的硬度跟橡皮筋般彈性爽口。外表乾淨沒有腥味，跟平時潮州鹵水燒味中的腸差不多。而且營養價值高，加上本身四川麻辣湯底般辣度的醬汁，一進口味覺直把人麻醉般刺激。兩者混合一起吃更能做到補血及強心的功效，可說是非常好的食療滋補佳品，值得大家一試。

今日沒有帶飯，想吃米線，於是就到這裡買外賣。我點了豬膶及酸菜，麻辣3小辣。這間米線及湯是分隔開的，上面裝米線，下面是湯。這個設計我是讚的，這樣就不會將米線浸淋。酸菜就沒有浸在湯，咬落爽口。而豬膶放在湯內，我覺得豬膶有點過熟，但口感還可以。味道方面，辣度及麻辣的味道不及三哥，麻辣味不夠濃，辣的程度也不同，同樣的辣都不夠辣的，整體份量可以說是剛剛好。其實水準一般，醫飽肚是一個選擇。但因為午飯時間實在太多人，又有大量某外送外賣公司，等了20分鐘才有，而午飯時間只有一小時，浪費了很多時間，可能堂食會比較快，下次應該不會再去。

又到左好想食米線既日子，一直都係食開譚仔三哥，但係我最近果間係譚仔唔係譚仔三哥。所以都照入去食一食啦。都係叫返平時食開既麻辣，我覺得佢既湯底無三哥咁辣，而且好似味精味勁好多。不過米線同埋d配菜黎講，就無咩大分別。最唔同既係佢湯底無得簡三哥酸辣湯底😂😂😂麻辣黎講我都係會去返三哥🙂🙂🙂

呢間譚仔，以往一到午餐時間，必定人頭湧湧。所以比較鍾意係繁忙時段前或後光顧，避開人潮。以往一個人可以優先獲得安排坐位。以往門口有個非常醒目既姐姐負責安排入座。以往廳面每個店員都好似活力十足，快手快腳......以往近幾次再去，已經無需避開「繁忙時段」，因為睇來，亦唔太繁忙。一個人攞左飛，見到場內單丁位大把，而店外等候者亦只係三三兩兩，但就係要等。好不容易同個Ｄ兩人飛、３人飛、四人飛一齊叫號，終於叫到，可以入座，咪又係被安排坐係近門口個Ｄ單丁位。叫左確重慶酸辣豬雞米線 。自從某次同友人來食，佢叫左呢款酸辣試食之後，清湯已被排在第二位。又酸又辣，的確過癮！雞肉豬肉水準亦與從前相若。廳面服務，真係一大問題。唔知係咪被收購後架構上有咩重大改動影響到前線員工士氣，好明顯店內侍應數目比以住少好多，亦無咁積極。一間餐廳要成功，環境差可以係出品及顧客服務方面補救。出品未能做到鶴立雞群，亦可以通過定價吸引食客。但若然顧客服務方面變差，衰落既喪鐘就敲響了！畢竟係附件，食肆林立，貼錢買難受之事，唔係太多人願意做。