雞記潮州麵食

Open Now

Now Closed

同朋友係尖沙咀行完街買完衫，簡簡單單食碗粉麵就散。朋友就帶左我黎呢間有啲特色既小店，呢間麵店既墨魚餅墨魚丸比較出名。一人叫一個粉麵餐，我就揀左招牌炸紫菜墨魚丸黑豉油王撈粗麵配凍檸茶。墨丸係即炸，個面少少脆，內裡彈牙，唔係好實，咬落有啲油份，但就唔太覺有紫菜。而個黑豉油撈粗個麵質好食，配甜豉油，味道啱啱好，唔會太甜。朋友就叫左即炸魚片頭河粉，魚片頭都係即炸熱辣辣，而且彈牙。反而河粉係驚喜，又薄又滑，難得係好食既河粉。另外再加多左一個菜心，上枱賣相麻麻地，而且煮得淋左d。一定要提下就係伙記們都好好人，有求必應，好禮貌👍🏻