好叉好味 (禧利街)

Open Now

Now Closed

繼早前店員俾錯餐，同埋個未如理想，今日俾多次機會佢，試多一次！今次同樣係OpenRice 落單自取外賣，都係落番上次食唔到既辛麻叉燒菜飯，不過今次有專登落備註向店員確定唔好再俾錯口味做柚香叉燒菜飯。一如既往，個飯面有隻煎得好靚既太陽蛋，太陽蛋依舊煎得剛好！值得一讚！之後揭開個蛋終於係辣椒籽，唔係柚子！太好了，佢地有睇到個備註！😭😭好啦，試下個主角 - 辛麻叉燒。今日叉燒冇再咁柴，相比之前個柚香叉燒juicy番好多，軟身好多，只少咬落唔會牙痛同咬得開！辛麻口味比柚香叉燒真係成件事夾好多！但係唯一敗筆既地方係當食到底既時候，成個底有一大堆辣油，底層既飯油到如湯飯一樣，好誇張😣 成個辛麻叉燒菜飯，整體而言合格，但同一般燒味無乜分別，都係綽頭野。味道一般，只有辛冇麻，應該叫做辛辣叉燒而唔係辛麻叉燒？😅 總結兩次購買，同埋睇番呢間餐廳既所有食評，多人推薦既柚香叉燒同辛麻叉燒都係唔好食，冇食評中咁好食😅 個人而言，都只係綽頭野多於好食嘅燒味飯。