蜀府川鍋 (Closed)

蜀府今日晚上，同班同事收咗工冇嘢做，打算去下10下，有個同事提議去呢間，因為想食蒸海鮮同粥底火鍋。嘩！真係好鬼抵！每人一個餐，你睇吓啲海鮮幾新鮮，完全冇諗住打斧頭架，因為啲海鮮大件夾抵食，我哋四個人食都唔可以一次過蒸晒，服務生都好好態度，見我地要分開兩轉食咁慘，都好主動走埋嚟蚊，使唔使幫你地一次過蒸呀！講真，打邊爐最緊要開胃，所以我哋一坐低就點左一份尖椒皮蛋，為我地大擦一餐嘅時間揭開序幕。食材非常新鮮，碟頭夠大，最重要係四個人打邊爐張枱都夠放晒我哋點嘅食物。最後，絕對不能夠睇小，佢送嘅綠茶餅，真係好有誠意，外脆內軟，夾心就係芋頭蓉，為成件事畫上感歎號。