周記油渣麵 (Closed)

深水埗，我諗唔洗多講，大家都知美食眾多，而且價錢街坊價，不過香愈來愈多遊客，又愈來愈多被捧高既地方同餐廳，無論去邊到食，價錢都比起以以升左唔少。今日黎返周記食，以前老豆成日帶我黎食，啲蒽,辣菜脯, 咸菜放係枱面任你自己加，但依家蒽冇得任家了🙁後兩者就仲可以任加價錢都仲可以接受既。招牌油渣麵 $32(小)油渣即係肥豬肉搾乾啲油，砍頭砍尾既肉，啲肉脆身，加多啲辣菜脯同咸菜，令湯底即刻香哂，麵彈牙，時不時食下，唔錯。以往都會加杯馬蹄露，好清甜，因為一定加好多辣菜脯，食完辣飲真係好爽，不過野飲都愈來愈貴，所以今次都冇點黎飲。