周記油渣麵 (Closed)

人就係咁明知無益又怕肥, 但有時就係想放縱下, 真係唔明點解愈無益既野愈好味真係引死人.係深水步想食油渣麵不二之選就係周記.當晚自己一個人叫左個細既油渣麵配魚肉同韭菜$15..作為一個晚餐真係平.靚.正份量都算大, 湯就可以免因為佢都係一個大配角, 至於主角油渣雖然唔算炸得透徹,不過豬油渣都算微脆甘香, 粗身既麵條亦唔會煮得過淋身最重要喜歡此店既辣菜頭加入麵內特別惹味.反而自己再加既魚肉同韭菜就有點失色, 魚肉有點腥需要加大量胡椒粉, 韭菜亦有點老!