Video
Read full review
2015-05-10
1206 views
工作做到死，報表做到傻，嚟到快樂星期五，最好食餐勁嘅平衡吓。早輪見人晌大坑嘅The Pudding Nouveau食咗一款油封鴨脾，配窩夫，覺得好新奇，心思思走過嚟試番一次。The Pudding被人印象都喺主要食甜點，例如主打嘅窩夫，芭菲，所以，就算喺星期五晚，7:00嚟到未見人潮。對上一次慕名而嚟已經喺成年前嘅事，今次喺第二次嚟，慕鴨而嚟，當然，都懷念佢嘅甜品。之前嘅食評都介紹過，小店環境細細，一室黑與白，打造出法式咖啡小店格局，不過，香港人樣樣都急，事事匆忙，要真正想感受一下法式嘅悠閒風情，或許閒日晏晝先至得！可是，是晚一支公，嚟得早，早段客人又唔多，慢慢迤，一樣可以悠閒自在。基本餐牌，類別上似乎無咩點大變，都喺窩夫、特色甜品、刨冰、意式煙燻奶凍、特飲、沙冰、奶昔、西茶及咖啡。對照返舊年嘅食評，應該無咗乳酪，就多番吐司芭菲。再新加嘅就喺「季節限定」餐牌，以套餐形式推出，內裡包括前菜類嘅蘑菇湯、煎蟹餅，而店中特色菜有煙三文班尼廸及Pudding全日早餐兩大招牌菜，仲有龍蝦仔肉牛角包和全新出品嘅油封鴨腿配窩夫，已包基本咖啡或茶，另收加一。如飲品想升級，其他款式咖啡、梳打或奶昔，另加$
之前嘅食評都介紹過，小店環境細細，一室黑與白，打造出法式咖啡小店格局，不過，香港人樣樣都急，事事匆忙，要真正想感受一下法式嘅悠閒風情，或許閒日晏晝先至得！可是，是晚一支公，嚟得早，早段客人又唔多，慢慢迤，一樣可以悠閒自在。
基本餐牌，類別上似乎無咩點大變，都喺窩夫、特色甜品、刨冰、意式煙燻奶凍、特飲、沙冰、奶昔、西茶及咖啡。對照返舊年嘅食評，應該無咗乳酪，就多番吐司芭菲。
再新加嘅就喺「季節限定」餐牌，以套餐形式推出，內裡包括前菜類嘅蘑菇湯、煎蟹餅，而店中特色菜有煙三文班尼廸及Pudding全日早餐兩大招牌菜，仲有龍蝦仔肉牛角包和全新出品嘅油封鴨腿配窩夫，已包基本咖啡或茶，另收加一。如飲品想升級，其他款式咖啡、梳打或奶昔，另加$10、$12或$16。
Pan Fried Crab Cake $69一客煎蟹餅有兩大件，每件嘅份量可唔細啊，而且，外表煎得金黃，帶微微焦香，狀甚吸引。切開睇到絲絲蟹肉，食落讓人覺得唔喺欺場之作，啖啖蟹肉，加上外脆內綿嘅口感，實在好食。
Pan Fried Crab Cake
$69
78 views
2 likes
0 comments
Duck Confit and Waffle $138食窩夫從未食過鹹味，今次應該喺頭一趟喇！油封鴨脾配窩夫，據知油封鴨脾喺歷史悠久嘅法國菜，既要風乾，又要煎烤。
一客有一大件油封鴨脾及兩件窩夫，基本上，唔似食甜嘅窩夫咁，將窩夫夾埋啲配料一齊食，個人覺得分開食合宜啲，一啖鴨脾肉，一啖窩夫，所以，附送嘅蜜糖漿就無乜點沾過。鴨脾肉外層挺香脆，一絲絲嘅鴨肉好酥香，只喺略嫌有少少油。除鴨脾、窩芙，鴨脾之上仲煎有一隻太陽蛋，煎到半熟，一鎅開即流心，蛋漿湧流而下。配鴨脾肉，令脾肉浸潤番啲，感覺又幾唔錯喎。不過，隻餐碟確喺需要換上隻大啲，因為切起嚟，好易切到啲嘢跌出碟外！
Duck Confit and Waffle
$138
64 views
4 likes
0 comments
Duck Confit and Waffle
$138
60 views
3 likes
0 comments
Duck Confit and Waffle
$138
52 views
3 likes
0 comments
Duck Confit and Waffle
$138
47 views
4 likes
0 comments
無論奶泡，抑或拉花，都喺細緻無瑕，小小一個心形，足見手勢好，有功架，心形尖尖正正對住杯身餐廳商標。而咖啡唔使加糖，奶泡同咖啡溝得勻，唔使再攪就可以飲出柔滑、香醇、均勻嘅口感。
鮮奶咖啡
$38
48 views
3 likes
0 comments
香蕉朱古力吐司芭菲 $62幾款味道都好吸引，真喺有啲難決定，揀咗香蕉朱古力，都喺隨心所慾。一整杯吐司芭菲底下喺蜜糖吐司粒，呎吋剛好一啖一件，件件都充滿蜜糖嘅清甜；面層有新鮮香蕉肉、朱古力班尼粒、朱古力雪糕球及朱古力馬卡龍，雖然好難一口過試晒咁多食材，但分開食同樣好滋味，香蕉肉夾朱古力雪糕喺小弟嘅心水配搭，而馬卡龍做得一啲都唔差，外脆內綿。
香蕉朱古力吐司芭菲
$62
64 views
3 likes
0 comments
Post
