Video
Read full review
2023-09-12
520 views
同朋友睇完戲，食埋過早飯先返家～ 食完真係好滿足極盛四色剌身丼三大隻赤蝦，底下仲有兩大粒帶子剌身，兩樣嘢都又肥美又鮮甜，一啖咬落去又有厚實感，相當有誠意。吞拿魚蓉好重手，唔洗就住就住，都可以保證你食到尾都仲有剌身，唔會得返啲飯。最後隆重介紹大拖羅~ 油香，無筋，入口即溶，放入口妹下妹下最食得真佢嘅味道，真係好好食。我好奇到底呢碗身丼點解只係兩舊水多啲，再上網翻查餐牌，見到其他人啲相話係配中拖羅，唔知係轉咗餐牌？定係師傅免費升級？又或者係我將中拖羅當係大拖羅咁食？總之今次真係食到好嘢賺晒特盛醬油濃雞白湯拉麵一見到四大塊肥瘦均勻、燒得香香嘅叉燒，又香口又入味，再次感到呢間嘢嘅誠意。流心蛋、紫菜呢啲基本配置都正常，反而佢嘅湯真係好特別，除咗食到濃郁嘅雞湯味，佢仲有一陣淡淡嘅粟米味，令到個湯底無咁膩，好好入口鐵板蒜香和牛粒和牛真係好適合切粒上，燒過嘅和牛少咗啲肥膏油，但又沾上牛油本身嘅香味，一啖一粒真係享受。美中不足係佢始終板上，最底下嗰兩粒和牛太長時間受熱熟得濟，顯得無疊最上層嗰啲咁出色梅酒柚子雪芭叫嘅時候有啲擔心柚子雪芭會好酸，估唔到佢嘅柚子係帶有幾重嘅柚子甘香，微微甘苦嘅味道，再加上甜
食完真係好滿足
極盛四色剌身丼
三大隻赤蝦，底下仲有兩大粒帶子剌身，兩樣嘢都又肥美又鮮甜，一啖咬落去又有厚實感，相當有誠意。
吞拿魚蓉好重手，唔洗就住就住，都可以保證你食到尾都仲有剌身，唔會得返啲飯。
極盛四色剌身丼
5 views
0 likes
0 comments
最後隆重介紹大拖羅~
油香，無筋，入口即溶，放入口妹下妹下最食得真佢嘅味道，真係好好食。
我好奇到底呢碗身丼點解只係兩舊水多啲，再上網翻查餐牌，見到其他人啲相話係配中拖羅，唔知係轉咗餐牌？定係師傅免費升級？又或者係我將中拖羅當係大拖羅咁食？總之今次真係食到好嘢賺晒
特盛醬油濃雞白湯拉麵
一見到四大塊肥瘦均勻、燒得香香嘅叉燒，又香口又入味，再次感到呢間嘢嘅誠意。
流心蛋、紫菜呢啲基本配置都正常，反而佢嘅湯真係好特別，除咗食到濃郁嘅雞湯味，佢仲有一陣淡淡嘅粟米味，令到個湯底無咁膩，好好入口
鐵板蒜香和牛粒
和牛真係好適合切粒上，燒過嘅和牛少咗啲肥膏油，但又沾上牛油本身嘅香味，一啖一粒真係享受。
美中不足係佢始終板上，最底下嗰兩粒和牛太長時間受熱熟得濟，顯得無疊最上層嗰啲咁出色
梅酒柚子雪芭
叫嘅時候有啲擔心柚子雪芭會好酸，估唔到佢嘅柚子係帶有幾重嘅柚子甘香，微微甘苦嘅味道，再加上甜甜嘅梅酒，比我地帶住清爽嘅感覺結束呢個有誠意嘅晚餐
特別要提一提，
呢度啲服務員又有禮貌又細心，加茶加得又快，收碗嘅時候又會好細心留意湯麵碗底啲湯汁唔好滴到人，有heart
Post
