Video
Read full review
2022-03-17
122 views
💎總評分：6.5/10-好耐以前已經聽聞過大埔呢間出名食潮式粉麵嘅小店，最近發現分店殺入油麻地，即刻嚟試試。舖頭叫「老虎岩」係因為老闆細個時住喺樂富，而樂富嘅前稱就叫老虎岩🐯，嗰時老闆嘅爸爸亦都係從事牛雜粉麵🍜，所以飲水思源底下，就將新餐廳命名為「老虎岩」啦！除左牛腩之外，順住芫荽熱潮☘️，小店自家制嘅「寵茜燒賣」亦打出名堂，好多芫荽愛好者特登嚟潮聖嫁！1️⃣ 牛腩芝士蛋三文治 $42（全份）作為小店嘅推介食品之一，餡料都算豐富有爆餡效果🥪。牛腩🐮同芝士🧀嘅配搭好有fusion感覺，小編都係第一次食，牛腩嘅香味配蛋香🥚，夾住蕃茄同熱溶嘅芝士，賣相望落吸引🤤，食落的確有驚喜，每啖都非常惹味，好邪惡嘅三文治👍🏻！2️⃣ 自選粉麵餐 (米粉+原汁牛腩+牛筋+鳳城水餃) $52一場嚟到當然要食碗麵🍜，自選粉麵餐有三個湯底可以選擇，腩汁湯底、麻辣湯底(+$3)，同小編㨂嘅招牌牛骨湯底🍖，雖然好香牛骨味，但略嫌比較多油😣，食到成口都有油淋淋嘅感覺。當日只有原汁牛腩供應，所以小編就試唔到另外兩款 -「新鮮牛腩」同限量供應嘅「爽腩」。原汁牛腩係用冰鮮安格斯半肥瘦牛🐂，食落真係肥瘦適中，但係份量就比較少，每塊都偏
-
好耐以前已經聽聞過大埔呢間出名食潮式粉麵嘅小店，最近發現分店殺入油麻地，即刻嚟試試。舖頭叫「老虎岩」係因為老闆細個時住喺樂富，而樂富嘅前稱就叫老虎岩🐯，嗰時老闆嘅爸爸亦都係從事牛雜粉麵🍜，所以飲水思源底下，就將新餐廳命名為「老虎岩」啦！除左牛腩之外，順住芫荽熱潮☘️，小店自家制嘅「寵茜燒賣」亦打出名堂，好多芫荽愛好者特登嚟潮聖嫁！
1️⃣ 牛腩芝士蛋三文治 $42（全份）
作為小店嘅推介食品之一，餡料都算豐富有爆餡效果🥪。牛腩🐮同芝士🧀嘅配搭好有fusion感覺，小編都係第一次食，牛腩嘅香味配蛋香🥚，夾住蕃茄同熱溶嘅芝士，賣相望落吸引🤤，食落的確有驚喜，每啖都非常惹味，好邪惡嘅三文治👍🏻！
牛腩芝士蛋三文治
$42
31 views
0 likes
0 comments
2️⃣ 自選粉麵餐 (米粉+原汁牛腩+牛筋+鳳城水餃) $52
一場嚟到當然要食碗麵🍜，自選粉麵餐有三個湯底可以選擇，腩汁湯底、麻辣湯底(+$3)，同小編㨂嘅招牌牛骨湯底🍖，雖然好香牛骨味，但略嫌比較多油😣，食到成口都有油淋淋嘅感覺。當日只有原汁牛腩供應，所以小編就試唔到另外兩款 -「新鮮牛腩」同限量供應嘅「爽腩」。原汁牛腩係用冰鮮安格斯半肥瘦牛🐂，食落真係肥瘦適中，但係份量就比較少，每塊都偏薄🙁，對比起一般牛腩麵店即使價錢相約，份量未免有D寒酸🙇🏻♀️。至於牛筋就煮得好入味，鳳城水餃🥟都OK足料。
3️⃣ 芫荽燒賣 $16/4粒
小店另一名物，喺門已經有大大個蒸籠俾人買幾粒當小食拎走，亦有生燒賣可供客人買翻屋企自行蒸熟👨🏻🍳。燒賣以手打聞名，果然口感唔錯，咬落唔會好散又唔會好膠👌🏻，芫荽味唔會過重balance得唔錯☘️，整個配搭新鮮得嚟又幾好食，就連小編唔係莞茜控都覺得值得一試💪🏻。
終於一試呢間久仰大名嘅老字號，三文治係有驚喜😋，芫荽燒賣雖比一般貴但口味獨家都值得一試，反而牛腩麵有點失望👎🏻，質素見仁見智，個人覺得性價比偏低，以牛腩嘅份量嚟講，用相等價錢喺附近可以搵到更多選擇。
-
環境服務：⭐⭐⭐
食物質數：⭐⭐⭐
打卡指數：⭐⭐
Other Info. :
🚗 舖頭位於油麻地旺區，比較難泊車，唔介意泊街嘅朋友亦都可以揸車去，如果唔係小編會推薦搭公共交通工具。
(The above review is the personal opinion of a user which does not represent OpenRice's point of view.)
Post
