Video
Read full review
2024-02-25
4499 views
呢排天氣忽冷忽熱 呢晚趁住天氣涼咗啲就嚟咗打邊爐 搵咗呢間油麻地嘅川式火鍋店歎返個麻辣火鍋 🔥一去到餐廳門口已經感受到嗰種宮廷風 真係超啱打卡啊經典鴛鴦湯底招牌牛油紅鍋 及 高湯鍋底🍲 就係為咗呢個麻辣鍋我哋先嚟㗎 好鍾意麻辣嘅刺激感 但係又唔係真係咁食得辣😂 所以只係敢嗌小辣 牛油紅鍋真係好惹味 另一邊我哋就揀咗高湯鍋底 入面有紅蘿蔔 白蘿蔔 粟米等嘅配料 我覺得兩邊嘅鍋底都幾出色九格格呢個幾有特色 由餐廳預先preset食咩嘅😮 有九樣食物 每樣份量都好合適 同友人二人分享 大家都食得滿足😌 鮮毛肚 千層肚 放喺麻辣鍋嗰邊食真係好正 仲有一啲海鮮 包括巴沙魚 鮮蝦 桂花蚌 鮮蝦彈牙 肉質鮮甜🦐 黃喉 口感特別 仲有龍蝦丸 海帶苗 中間嘅係鮮鴨血 佢石膏粉冇咁重 所以唔會好實淨四菌子呢碟係店長推薦 所以諗住試吓 冇諗過原來四種菇菌類嘅食物同火鍋咁匹配😮 入面有繡球菌 黑皮雞縱菌 金耳 同埋竹笙 個人就最鍾意竹笙 索晒啲湯之餘 食落去仲幾爽口☺️火箭魷魚形狀真係好似一隻火箭🚀 魷魚嘅質地熟咗之後好爽口 點埋醬料區嘅醬料就更加好食🦑凌王蝦滑整成一個心形 已經好賞心悅目 加上入面見到有粒
呢排天氣忽冷忽熱 呢晚趁住天氣涼咗啲就嚟咗打邊爐 搵咗呢間油麻地嘅川式火鍋店歎返個麻辣火鍋 🔥一去到餐廳門口已經感受到嗰種宮廷風 真係超啱打卡啊
經典鴛鴦湯底
招牌牛油紅鍋 及 高湯鍋底🍲 就係為咗呢個麻辣鍋我哋先嚟㗎 好鍾意麻辣嘅刺激感 但係又唔係真係咁食得辣😂 所以只係敢嗌小辣 牛油紅鍋真係好惹味 另一邊我哋就揀咗高湯鍋底 入面有紅蘿蔔 白蘿蔔 粟米等嘅配料 我覺得兩邊嘅鍋底都幾出色
九格格
呢個幾有特色 由餐廳預先preset食咩嘅😮 有九樣食物 每樣份量都好合適 同友人二人分享 大家都食得滿足😌 鮮毛肚 千層肚 放喺麻辣鍋嗰邊食真係好正 仲有一啲海鮮 包括巴沙魚 鮮蝦 桂花蚌 鮮蝦彈牙 肉質鮮甜🦐 黃喉 口感特別 仲有龍蝦丸 海帶苗 中間嘅係鮮鴨血 佢石膏粉冇咁重 所以唔會好實淨
四菌子
呢碟係店長推薦 所以諗住試吓 冇諗過原來四種菇菌類嘅食物同火鍋咁匹配😮 入面有繡球菌 黑皮雞縱菌 金耳 同埋竹笙 個人就最鍾意竹笙 索晒啲湯之餘 食落去仲幾爽口☺️
火箭魷魚
形狀真係好似一隻火箭🚀 魷魚嘅質地熟咗之後好爽口 點埋醬料區嘅醬料就更加好食🦑
凌王蝦滑
整成一個心形 已經好賞心悅目 加上入面見到有粒粒嘅蝦肉 真係覺得好足料🙈 蝦滑粒粒彈牙 都幾推介呢一碟
鵝腸
雖然我哋只係嗌咗細份 呢碟鵝腸份量都幾多 食落口爽脆 而且唔會有肥膏 都處理得好乾淨🪿
帥帥毛肚
因為食完九格格嘅毛肚 覺得好正 所以我哋仲額外嗌多咗一份😗 呢份每片都更大 配麻辣鍋真係絕配
蔬菜
皇帝菜 一份嘅份量都幾多 淥1分鐘就啱喇😛 鮮藕片 每片厚薄適中 放入去火鍋度灼完仲係咁爽口 我哋仲嗌咗一份8秒土豆絲 上碟嘅方式好特別係一啲薯仔絲 我哋真係跟足指示淥8秒就食🥔 完全冇食澱粉質嘅邪惡感
百香果檸檬茶
食麻辣點少得嗌杯嘢飲🍋 百香果檸檬茶酸酸甜甜 比我預期中嘅甜味仲少啲 好適合我🥰
呢餐真係食咗好多野 個麻辣鍋真係辣得好過癮 鍾意麻辣口味嘅朋友一定要嚟試吓😋
Post
