不籽是咖啡 (文豪閣)

Open Now

Now Closed

去開油麻地見到新開左間幾靚既小清新cafe就即刻入去試下～ 入面雖然唔係話好大，但樓底好高，所以有好大既空間感，唔會話好焗促同埋都好光猛。另外佢食物、飲品選擇都幾多，而最後就嗌左一個小食、一個主菜、一杯咖啡。首先講下個小食－－海鹽甜蕃薯條，由於蕃薯條只係加左鹽調味，所以可以食得出蕃薯條既原味，同埋唔會話炸得好硬，岩岩好係外脆內軟。但唯一既敗筆就係唔知點解佢側邊加左塊霉霉地既生菜做裝飾，見到會有d唔開胃。之後就叫左個綠茶素麵配燒鯖魚，雖然叫綠茶素麵，但知其實唔會話有好濃既綠茶味，佢既軟硬度適中，同埋d配料份量都算多，而個素麵汁都唔會話好咸。而條燒鯖魚比我想像中大條，但就略厭燒得唔夠香脆，所以會有少少腥味。整體素麵同鯖魚味道都普普通通，會有種住家菜既感覺，而最大敗筆又係d菜，同個素麵完全唔夾呢…最後仲叫左杯latte，奶泡同溫度都適中，但個人就覺得咖啡味可再濃d。另外發現咖啡同鯖魚都幾唔夾，所以有機會再黎既話唔會再嗌依兩樣野一齊食。