不籽是咖啡 (文豪閣)

Open Now

Now Closed

想相約友人食飯傾計，搵左呢間位於油麻地的coffee shop, 環境靜靜地，兩個女仔晚飯坐下傾下計，閒聊幽閒一下也不錯，勝在冇咩限時間，我早到左半小時到，在人流不繁忙的晚餐時段下，侍應都俾我早坐入去，仲可以坐住等，雖然是自助形式落單取餐具，較適合一些不摳小節，追求氣氛自然的食客，但整體感覺也是可以的，雖然侍應不多，但也是有禮貌，態度也親切的，叫左一客三文魚意粉，－個雲呢拿雪糕窩夫，－客黑松露忌廉芝士炸薯條，埋單HKD 254質素尚算正常，兩個女仔share，分量算剛剛好，下次有機會可以再試吓佢哋嘅餐牌推介

評分：80/100位於油麻地彌敦道的「不籽是咖啡」，是一間隱藏在街角的低調咖啡室。店面不太起眼，但憑藉溫馨的氛圍和高品質出品，吸引不少咖啡愛好者前來。從外觀看，咖啡室坐落在狹窄街道旁，旁邊有石牆和樓梯，散發出一種靜謐的氣息。一踏進店內，簡約的木質設計讓人感到舒適。木桌、木椅和木框大窗戶，搭配灰白色牆面和綠色瓷磚吧台，空間明亮通透。大窗戶讓自然光灑進店內，窗外街頭塗鴉和城市景觀與店內溫馨氣氛形成有趣對比。店內座位安排合理，靠窗的高腳桌最適合邊喝咖啡邊看街景，吧台旁的高腳凳則讓人能近距離觀看咖啡師操作，增添互動感。這次到訪時店內顧客不多，環境顯得格外寧靜，適合小聚或獨自放鬆。點了一杯熱拿鐵和一道煙三文魚白汁扁意粉，體驗令人滿意。熱拿鐵端上桌時，拉花精緻，呈對稱的葉子形狀，奶泡細膩光滑，與咖啡顏色對比鮮明，視覺效果出色。喝起來口感順滑，奶香濃郁，咖啡與牛奶比例平衡，微苦中帶甜，展現出店家對咖啡品質的重視。煙三文魚白汁扁意粉同樣出色。扁意粉煮得軟硬適中，裹上濃郁的白汁，醬汁以奶油和帕爾瑪乾酪為基底，滑順中帶有鹹香。煙三文魚切成薄片，煙燻風味突出，與白汁的濃郁形成完美對比，撒上少量歐芹碎，清新不

由入門口已經覺得不被歡迎，好似入去餐廳令佢地工作量增加左（莫非太好生意唔憂做）？落單嘅時候態度奇差，行到埋去cashier眼望望唔出聲，跟住隔咗陣先發現佢識講野嘅，跟住落單一直都唔多出聲，又唔知佢聽唔聽到，到俾錢嘅時候全程都黑口黑面，到Paywave完又唔搣張單，諗住自己搣佢竟然搶返機話佢自己搣，真係唔聲唔聲唔知佢想點！跟住睇返Openrice嘅comments真係嘩然，原來有咁多人都有類似經驗，但間餐廳都冇諗住改善，不過或者黑面嘅係老闆都唔出奇，擺出一副Who give a shit嘅面口☺️☺️冇所謂啦，人地生意好，冇我一個半個客都應該仲有好多客黎體驗下服務態度嘅，日本都有以惡劣服務態度為招徠嘅餐廳，都幾有特色嘅

Book咗7:30，但早咗少少到揀咗個窗邊就枱既位置坐，由於係內街所以唔多人/車經過，靜靜地都幾好•食物唔算好多選擇，所以揀咗最多人叫既龍蝦湯配牛油果大蝦稻庭烏冬 ($138)龍蝦湯都幾濃，配烏冬食好唔錯大蝦都幾彈牙，而且好大隻•Matcha Latte抹茶味唔算好突出，普普通通•海鹽焦糖雞翼 ($68)幾得意，焦糖味好似食緊甜品，但又有少少海鹽味中和下留意返佢係單骨雞翼，唔算好多但比較易食•其實都算有幾多湯，食晒d烏冬我都仲有湯淨就咁飲都OK，唔好偏鹹

先不評論食物質素 由入門口果一秒已經係貼錢買難受首先 入門口同店員講兩位 佢就望住我地 但係完全無表示。再問係唔係自己可以坐 就西口西面咁話 自己拎menu 到叫野食 本身叫個沙律 沙律醬另上 佢態度極差話 「無」.. 再問撈好左嘅？ 佢就話撈左 然後極西 無得走係完全唔緊要 但係唔需要呢個態度 唔係呢度做會唔會知你邊一啲係整好左邊啲未 同埋沙律成一百蚊都係撈好曬會唔會太唔合理…兩個人食兩杯野飲300幾蚊 其實都可以以態度好少少 其實完全唔多人成間店都係得4個人 俾錢都唔會再去食嘅餐廳

我第一次來這咖啡店，由於早上已飲了咖啡，所以沒有點咖啡，只吃了一個炒大蝦蒜香意粉。意粉味道不錯，蝦都彈牙，意粉煮得啱啱好，以這個價錢真算不錯。等我下次來試飲咖啡。

繁華的街道，隱藏著寧靜的角落，芳香的咖啡香氣， 滲透著 咖啡室的每個角落。 簡單雅緻的休閒文清風格， 播放休閒的音樂。北海道刺身帶子蟹子 忌廉扁意粉北海道帶子彈牙鮮味， 蟹子份量多得驚人， 薄片蘑菇柔軟彈牙， 扁意軟硬適中配搭香濃creamy的醬汁。椰汁雞肉蘆筍扁意粉比想像中有驚喜， 雞肉真的很嫩滑， 蘆筍夠爽脆， 意大利麵吸收了 椰汁的香味， 充滿夏日風情。芝士煙肉牛角窩夫近年真的很喜歡牛角窩夫， 比鬆餅或者傳統窩夫， 牛角窩夫有獨特嘅質感，外層香翠脆之餘，內裏帶點煙韌嘅感覺。這裏的鹹甜牛角窩夫都非常出色， 上次試咗香蕉 雪糕牛角窩夫。 今次試鹹味嘅芝士煙肉牛角 窩夫， 大量嘅芝士同埋煙肉即係超滿足， 鹹香道十足 非常好吃。另外點咗 matcha latte， 香濃嘅抹茶味道， 質感順滑 滲出啖啖茶味。Caramel Latte， 焦糖味道 和咖啡的味道 配合得很好。

座位舒適，冷氣都好夠外面位置也通風所有員工都很友善，飲品同埋食物都符合水準今次叫咗全日早餐平時喺其他地方食開份量都唔會好多今次嚟到不只籽是咖啡份量很多，還很好吃🫶🏻

午餐︰龍蝦湯配牛油果大蝦稻庭烏冬 $138❤❤❤餐點配有茶壺盛載龍幔湯，龍蝦湯濃郁，搭配牛油果和大蝦，是新鮮的配搭。稻庭烏冬是扁身的類型，質地滑溜，但較軟淋，適合愛吃軟淋麵條的你。❤愈多愈推薦(最多5❤)龍豬情侶評價：午餐未有連飲品，以油麻地的地域來說，價格較貴。因餐廳坐位有限，需要與他人搭枱，需要自行到櫃枱下單及結帳。餐廳位於小巷內，需要多加留意才會找到。推薦指數：6/10好味指數：6/10環境指數：6/10服務指數：6/10餐廳︰不籽是咖啡地址︰油麻地彌敦道450號文豪閣地下D號舖

位於彌敦道旁的小行內,「不籽是咖啡✨」絕對是油麻地區文青們的最愛!整間餐廳以木系裝潢點綴,營造出清幽雅緻的氛圍,非常適合好好享受下用餐時光。首先是「 龍蝦湯配牛油果大蝦稻亭烏冬 」。🦐🥑 濃郁香醇的龍蝦湯底,配上鮮嫩的大蝦和滑順的牛油果,與Q彈有勁的稻亭烏冬完美融合,口感層次豐富,令人食過翻尋味。另一道是「 椰汁雞肉蘆筍扁意粉 」。🍝 扁意粉Q彈有咬勁,淋上香濃細緻的椰汁雞肉醬汁,加上脆爽的蘆筍,突出了每種食材的特色,口感豐富層次分明。最後則是「 煙三文魚忌廉扁意粉 」。🍝 煙三文魚帶著迷人的海味,配上濃郁的忌廉醬汁,與Q彈的扁意粉完美融合,令人垂涎三尺。除了這些美味的主菜外,餐廳更有不同款式的咖啡和精緻的甜品供選擇。無論是享受慢時光,抑或是約會聚會,「不籽是咖啡✨」絕對是我既不二之選!🍽️

餐廳裝潢以木系作主色調，走文青簡約風格，門外有綠色植物成點綴，有一種悠閑自在的感覺。龍蝦湯配牛油果大蝦稻庭烏冬：大大隻鮮蝦巳經夠吸睛，蝦肉厚身，咬落爽口彈牙，仲有蟹肉、紫菜、車厘茄、牛油果。牛油果熟度剛剛好，蟹肉鮮味突出。龍蝦湯分開用銅壺裝住，食既時候先加落碗到，甘就唔怕烏冬索晒龍蝦湯啦。唐揚炸雞粒：咬落啖啖肉，外脆內軟，配埋酸酸甜甜醬汁黎食，好正。焦糖香蕉雲尼拿雪糕配牛角酥窩夫：焦糖烤到金黃微脆包住香蕉肉，外脆內軟口感，窩夫烘到暖暖地同軟綿既雲尼拿雪糕一齊食，好好食。椰爺咖啡：咖啡同椰奶調配好好，口感順滑味道香濃，菊花苿莉花茶：味道清新甘甜，飲落解喝清潤。🔎不籽是咖啡 (文豪閣) (油麻地)📍油麻地彌敦道450號文豪閣地下D號舖

夏日炎炎，有咩好過坐起cafe 嘆住冷氣chill 食返個brunch 呢？今日就黎到位於油麻地一間好有文青氣息既cafe，渡過了一個悠閑自在的下午。全日早餐：岩晒有選擇困難症既我，唔洗諗，樣樣都有，擺盤精緻。有煙三文魚、黑松露炒蛋、日本腸、牛油果、沙律菜、小蕃茄、雜菌、牛角包等。煙三文魚嫩滑得黎帶點煙燻味；黑松露炒蛋特別嫩滑。墨西哥雞肉捲餅：入面既餡料豐富，有青瓜、粟米、雞肉、車厘茄、生菜等。雞肉嫩滑，同其他配菜一齊食，食落爽脆可口。焦糖爆谷配雪糕：第一次食爆谷雪糕，焦糖味好香，爆谷咬落脆口，同雪糕一齊食，味道好夾。野莓梳打：莓味突出，飲落清爽解喝。柚子蜜梳打：柚子清甜潤喉，好fresh 。🔎不籽是咖啡 (文豪閣) (油麻地)📍油麻地彌敦道450號文豪閣地下D號舖

鋪頭：不籽是咖啡地址：油麻地彌敦道450號文豪閣地下D號舖​$427💰兩個人💰Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ 1️⃣ 手打牛肉漢堡扒蒜蓉意粉配黑松露蘑菇汁 ＄128牛肉漢堡夠厚，外面煎到脆卜卜，裏面肉嫩多汁，有驚喜，而且黑松露比得好大方​2️⃣ 西西里絲咖啡 $58檸檬嘅酸味同咖啡好夾，蓋過左咖啡本身嘅酸，飲落好有層次​3️⃣ ALL DAY BREAKFAST $138炒蛋好滑，牛角包夠酥鬆，蕃茄仔新鮮Juicy​​4️⃣ CHOCOLATE $45比較少飲到嘅朱古力，味道唔會太濃，冇咁heavy，同時又有朱古力嘅香甜，都幾特別​5️⃣被香濃熱咖啡淹沒的雲尼拿冰淇淋(AFFOGATO) $58呢個甜品名冇改錯，熱咖啡淋落雪糕，出奇地好味，香甜軟滑嘅雪糕帶有咖啡香味，非常夾，推薦👍🏻有驚喜​😋總結：印象比較深刻係西西里咖啡&甜品，仲有漢堡扒，係幾出色​📝 以下評分最高分五粒🌟味道：🌟🌟🌟🌟粒 抵食程度：🌟🌟🌟🌟粒環境&服務🌟🌟🌟🌟🌟

放假同朋友黎到油麻地依間cafe偽文青下🤭環境以小清新風格配以植物點綴令人感覺舒適寫意，門口有打卡位置，適合同閨蜜們聚餐❤️食物方面：味增蟹醬蟹籽蟹肉扁意粉❤️意粉滿滿蟹肉鋪面份量十足，蟹肉蟹籽與意粉拌勻好有口感，意粉食落好彈牙，啖啖帶有蟹肉鮮香龍蝦湯配牛油果大蝦稻庭烏冬❤️大蝦同牛油果都好新鮮，湯底鮮味濃郁，烏冬質地幼身食落好彈牙，必點之選Chicken salad ❤️大大塊雞扒肉質鮮嫩juicy煎得好味，沙律配以沙律醬開胃可口Sicily lemon coffee❤️濃郁咖啡香氣，帶有淡淡清新檸檬味道，飲落冇苦澀，桂花淡淡清香Berry Soda❤️有果肉甜甜地幾好飲，梳打飲落清爽解渴一流

中午去食，叫左漢堡扒黑松露意粉，漢堡扒煎得有啲燶，但入面仲唔係好熟，冇諗咁多食左，過左幾個鐘就肚痛，不停肚痾……如果講味道就還好，不算好食，普普通通，呢個價可以有更好選擇，應該唔會去第二次。