林仔茶檔 (Closed)

平時間唔中諗唔到食咩都會去茶餐廳食晚飯，但又好怕好dirty 既環境，今日經過見到油麻地新開「林仔茶檔」茶餐廳，環境光猛，乾淨企理，座位與座位之間不逼狹，座位坐得舒適。沙嗲牛肉公仔麵配火腿奄列、多士食沙嗲牛肉公仔麵一定要配火腿奄列，先完美，火腿奄列，即叫即做，聞列有蛋香，入口蛋汁滑溜，火腿咸香，另外沙嗲牛肉夠嫩沙嗲汁夠濃，有花生香，出前一丁煮得剛剛好，唔會太淋唔會太硬。福花炒牛肉牛肉厚切，都幾大塊，牛肉入味軟腍，椰菜花爽脆。千島汁蝦球蝦球外層炸等香脆，一咬開蝦球爽口彈牙又大隻，再淋上千島汁，酸甜滋味，送飯一流。金銀蛋浸白菜仔份量好大碟，入面有皮蛋、咸蛋、白菜仔，白菜仔唔會煮得太腍，索晒湯汁，味道鹹香，簡單又好吃。杏汁豬肺湯份量十足，以到足夠4-5人飲用，而且非常足料，有豬肺、雞腳、赤肉等等，啖啖香濃的杏汁香味，飲得出真材實料煲出來，最緊要喝罷不口喝。