四季煲仔飯

Open Now

Now Closed

要食煲仔飯，點少得過去食油麻地嘅四季煲仔飯 見近排仲涼涼地 就把握機會 去食個煲仔飯暖下個人先 雖然網上有好多人都話四季煲仔飯冇以前咁好食 但係我哋三個都決定走去食下！排隊時間大約為十分鐘就入到去由於我哋已經係排隊已經睇咗餐牌所以入到去已經可以即刻叫野食 今次我地叫左兩個煲仔飯，四件蠔餅同埋一個肉片芥菜湯 窩蛋牛肉飯有一貫水準，牛肉都係比較滑，再自己加上雞蛋同鼓油焗上1-2分鐘左右就可以開動！ 食落都唔錯 亦都食到有飯焦 正白鱔飯都唔錯，鱔既份量都唔少，每人可以分到三至四件 調味都好好 唔會話有太咸既情況出現蠔餅就真係有少少油，咬落口好多油，我就麻麻地個湯就冇乜特別，不過不失。