薄餅型 (Closed)

近排油麻地新開左間薄餅外賣店, 咁啱大食妹朝早喺油麻地嗰頭上完堂, 就外賣個三人套餐同屋企人開心share三人套餐非常豐盛, 可以任選一款薄餅大批、肉醬意粉一份/蘑菇飯一份、三件脆雞、小食一份同三份飲品, 無論做晏晝定夜晚都一定飽肚<肉食主義者薄餅>薄餅有六隻口味, 辣肉腸薄餅同芝士控薄餅都好似唔錯但大食妹呢個食肉獸都係抗拒唔到肉食主義者薄餅嘅魅力大批有十二吋, 總共有六舊, 三個人分每人都可以食到兩舊肉食主義者薄餅係大食妹至愛嘅茄醬底上高鋪滿火腿、豬肉香腸、意大利辣肉腸同莫蕯里拉芝士, 食落啖啖肉, 滿足度極高<肉醬意粉>肉醬意粉都好大份, 肉醬係比較大粒, 有口感嗰種<脆雞>脆雞有分辣同唔辣, 大食妹食咗件辣嘅脆雞嘅炸法非常特別, 外皮好脆, 而且帶有濃郁嘅蒜香味雞肉都好嫩, 肉汁飽滿<炸雞塊>小食方面, 大食妹就嗌咗炸雞塊, 一份雞塊有成十二件, 終於可以比大食妹食到夠喉啦除咗大家一齊share嘅套餐外, Pizza In仲推出左多款抵食一人套餐, 迎合唔同食客嘅需求就連薄餅同部份小食都可以一件一件散嗌