薄餅型 (Closed)

油麻地最近新開咗間pizza外賣店🍕 我見呢間價錢都親民😯 佢哋有提供多款嘅套餐迎合各位食客，有滋味脆雞套餐、單塊薄餅套餐、一人套餐、二人套餐、三人套餐都有！啱哂買外賣去朋友屋企開party😽 今次我就揀咗二人餐($169)，有一塊12吋pizza+一份意粉/蘑菇飯+2件脆雞+2個飲品，叫二人餐真心幾抵🤭 我喺店面見到幾款pizza唔知點揀好，職員就主動推介我買辣肉腸薄餅或者芝士控薄餅，話呢兩款係比較受歡迎👀❤️ 辣肉腸薄餅個pizza係厚底，有嚼勁😙 Toppings有意大利辣肉腸、黑橄欖、莫薩里拉芝士！通常平時黑橄欖只係放幾粒點綴吓，呢度嘅黑橄欖意外地幾多🤣 食落整體味道香濃而且鹹香十足！大家記得趁熱食😝❤️ 肉醬意粉&脆雞估唔到呢度嘅意粉分量都幾有誠意，肉醬都幾多，意粉煮得啱啱好👌🏻 脆雞有六款味道揀，第一次食就穩陣起見揀原味食😜 脆雞炸到幾香脆，我哋食完pizza再過一陣先食個炸雞依然仲係脆😮 雖然係原味，但佢都有輕輕醃過，食完真係好飽呀🤰🏻餐廳推薦度：⭐️⭐️⭐️⭐️ (4/5)價錢抵過去幫襯連鎖pizza店，又平又飽肚😎 我今日去到都已經有唔少人幫襯，大家經過可以試吓。