祝ご 居酒屋

Open Now

Now Closed

位於鬧市中嘅居酒屋，依度主打多款特色菜式，部分亦需要提前預訂✨ 和風設計寫意舒適，更設有榻榻米座位，氣氛滿滿，好啱同朋友傾計聚會👭❀ 前菜 🥢魚乾及核桃鹹甜惹味，好啱做佐酒小食～❀ 自家制和牛漢堡 🐮廚師推介嘅限量菜式✨ 和牛漢堡扒肉味濃郁又帶油脂香，加入蘿蔔蓉及香甜嘅洋蔥平衡膩感😚 可自行將醬油生蛋黃放係漢堡上面食，口感豐富又滋味，仲好啱打卡呢😍❀ 岩鹽板和牛燒 🐮限量菜式～餐廳用上喜馬拉雅山粉紅岩鹽板盛載一片片和牛並作簡單調味，賣相好吸引！牛肉色澤粉嫩，質感柔嫩多汁，外層帶陣陣焦香，配搭岩鹽嘅天然鹹香味道好夾🥰 ❀ 海膽茶漬飯 🍚燒飯團外焦內軟，表面鋪滿鮮甜嘅海膽，份量十足❤️ 倒入茶湯及混合芥末食特別鮮香👅❀ 豚肉蘆筍卷 🐷依度有唔少串燒選擇✨ 豚肉軟腍入味，卷住蘆筍食帶爽脆清新感覺😚❀ 照燒魷魚 🦑原條燒魷魚口感爽彈，蘸滿特製醬汁，食落鹹香又帶微微甜辣味，香口惹味😍❀ 帶子 🥠燒帶子口感鮮嫩彈牙，帶陣陣牛油香氣❀ 櫻花啫喱布甸 🍮需提前電話預訂‼️ 賣相好靚，上層係櫻花啫喱，下層係牛奶布甸，香甜軟滑☺️❀ 特色果汁梳打 🍹蘋果及西柚梳打酸甜清爽，解膩一流