生物鐘石磨腸粉

Open Now

Now Closed

有一陣子潮洲腸粉如雨後春筍般，開到成行成市都係。但熱潮過後又一下子執得七七八八，要揾檔有得坐低食嘅，好難！呢間潮式腸粉店係深水埗食過幾次，質素十分不錯，而家原來佐敦開左分店。座位更加闊落，鋪面更加大。招牌的潮式皺皮腸價錢不過二十零蚊，腸粉夠滑，料又夠足！仲有必食的炒米粉，跟餐會送豆漿一杯！雖然個人覺得深水埗店水準更好，但如果心血來潮，佐敦呢間都絕對止癮！不過我晚上時間去，店面只有一個店員，整嘢食、收錢、聽電話，全部都係佢，所以等嘢食要有啲耐性。